Gujarati News

Gujarati News

News of Thursday, 17th May 2018

આસોદર-વાસદ રોડ પર આઇસર ચાલકને માર મારીને લૂંટ કેસમાં આરોપીને બે દિવસના રિમાન્ડ

આસોદર-વાસદ રોડ ઉપર આવેલા સુંદણ ગામના પાટીયા પાસે એક આઈસર ચાલકને માર મારીને લૂંટી લેવાના કેસમાં પકડાયેલા એક શખ્સના બે દિવસના રીમાન્ડ મંજુર કરવામાં આવ્યા છે. રીમાન્ડ દરમ્યાન તેની ઓળખપરેડ કરવામાં આવે તેવી શક્યતાઓ જોવાઈ રહી છે. પોલીસે લૂંટમાં ગયેલા રોકડા ૧૨૫૦૦ તથા બે મોપેડ પણ જપ્ત કર્યા છે
    આ અંગેની વિગત મુજબ આઈશરને પાછળથી મેસ્ટ્રો અને એક્સીસ મોપેડ પર સવાર થઈને આવી ચઢેલા બે શખ્સોએ આંતરીને ચાલકને બહાર ખેંચી માર મારીને તેની પાસેથી રોકડા ૧૨૫૦૦ની લૂંટ કરીને ફરાર થઈ ગયા હતા. આ અંગે પોલીસે ગુનો દાખલ કરીને સમા-સાવલી રોડ પરથી એક શખ્સને ઝડપી પાડીને તેને કોર્ટમાં રજુ કરી બે દિવસના રીમાન્ડ પર મેળવ્યો હતો
  રીમાન્ડ દરમ્યાન બીજા શખ્સનું નામ ખુલવા પામ્યું છે જે સગીર હોવાનું જાણવા મળ્યું છે. પોલીસે લૂંટમાં ગયેલા પૈસા તથા મેસ્ટ્રો અને એક્સીસ પણ જપ્ત કર્યું છે. આ કેસની તપાસ ચલાવી રહેલા પીએસઆઈ પરિતોષ સિંઘે જણાવ્યું હતુ કે, પકડાયેલો શખ્સ વડોદરાનો રીઢો ચેઈન સ્નેચર અને વિદેશી દારૂના ગુનાઓમાં પકડાયેલો છે. તેની મામલતદાર સમક્ષ ઓળખપરેડ કરવામાં આવનાર છે.

(10:23 am IST)
  • મોડીરાત્રે કર્ણાટકના કોંગ્રેસી ધારાસભ્યો કોચી જવા રવાના :કેટલાક ધારાસભ્યોને હૈદરાબાદ શિફ્ટ કરવામાં આવશે :બેંગ્લુરુમાં જ્યાં રોકાયા હતા ત્યાં ભાજપ પહોંચી ગઈ અને ધારાસભ્યોને ખરીદવા લાગી હોવાનો આરોપ :કોચીના ક્રાઉન પ્લાઝામાં કોંગ્રેસ-જેડીએસના ધારાસભ્યોને રોકાવવા માટે 125 રૂમ બુક કરાવાયા અહેવાલ :બંને પાર્ટીના ધારાસભ્યો અલગ અલગ રવાના કરાયા access_time 12:54 am IST

  • અફઘાનમાં રાત્રી લોહિયાળઃ ૪૪ આતંકીઓનો સફાયોઃ ૧૦ જવાનો શહીદ થયા: કાબૂલ : અફઘાનમાં રાત આખી આતંકીઓ અને સેના વચ્ચે લોહિયાળ અથડામણો ચાલી હતી, જેમાં ૪૪ ત્રાસવાદીઓના મોત થયા છેઃ ૧૦ જવાનો શહીદ થયા છે access_time 11:35 am IST

  • બીટકોઈન કૌભાંડ મામલે નલીન કોટડીયા સામે બિનજામીનપાત્ર વોરન્ટ નીકળ્યુ અમદાવાદ સિવિલ અને સેશન્સ કોર્ટે કર્યુ વોરન્ટ ઈસ્યુ access_time 6:11 pm IST