Gujarati News

Gujarati News

News of Thursday, 17th May 2018

રાજ્યમાં અગનવર્ષા :સૌથી વધુ ગરમી કંડલા એરપોર્ટમાં 45.3 ડિગ્રી, ગાંધીનગરમાં 44 ડિગ્રી તાપમાન

રાજ્યમાં અગનવર્ષા :સૌથી વધુ ગરમી કંડલા એરપોર્ટમાં 45.3 ડિગ્રી, ગાંધીનગરમાં 44 ડિગ્રી  તાપમાન

અમદાવાદઃ રાજ્યમાં ગરમીનું પ્રમાણ ફરી વધવાનું શરૂ થઈ ગયું છે. તાપમાનમાં અસહ્ય વધારો થયો છે આકાશમાંથી અગનવર્ષા થઈ રહી હોય એવી અનુભૂતિ થઈ રહી છે. આજે રાજ્યમાં મહત્તમ તાપમાનમાં વધારો નોંધાયો છે. કંડલા એરપોર્ટ પર સૌથી વધુ તાપમાન નોંધાયું છે. કંડલા એરપોર્ટ પર 45.3 ડિગ્રી તાપમાન નોંધાયું છે. ગાંધીનગરમાં 44 ડિગ્રી અને અમદાવાદમાં 43.2 ડિગ્રી મહત્તમ તાપમાન નોંધાયું છે.

    મળતી વધુ વિગત મુજબ, અઠવાડિયા પહેલાં કરાયેલી આગાહી મુજબ, રાજ્યના તાપમાનમાં વધારો નોંધાયો છે. સૌથી વધુ મહત્તમ તાપમાન કંડલા એરપોર્ટમાં 45.3 ડિગ્રી નોંધાયું છે. ગાંધીનગરમાં 44 ડિગ્રી, અમદાવાદમાં 43.2 ડિગ્રી, સુરેન્દ્રનગરમાં 43.8 ડિગ્રી અને રાજકોટમાં મહત્તમ તાપમાન 43.5 ડિગ્રી નોંધાયું છે. ખાસ કરીને સૌરાષ્ટ્ર અને ઉત્તર ગુજરાતમાં તાપમાનમાં વધારો નોંધાયો છે.

   તાપમાનમાં વધારો થતાં બપોરના સમયે રસ્તાઓ પર આકાશમાંથી જાણે અગનવર્ષા થતી હોય એવી અનુભૂતિ લોકોને થઈ રહી છે. ગરમીને કારણે બફારાનું અને રોગચાળાનું પ્રમાણ પણ વધી રહ્યું છે. સરકારી અને ખાનગી હોસ્પિટલો દર્દીઓથી ઊભરાવા લાગી છે. આવનારા દિવસોમાં હજી વધુ ગરમી પડવાની હવામાન ખાતા દ્વારા આગાહી કરવામાં આવી છે

(1:45 am IST)
  • આગામી દાયકામાં દિલ્હી વિશ્વનું સૌથી વધુ વસ્તીવાળું શહેર બનશે :2050 સુધીમાં દુનિયામાં શહેરી વસ્તીમાં ભારતનું સૌથી વધુ યોગદાન હશે :હાલમાં વિશ્વની 55 ટકા શહેરી વસ્તી 2050માં વધીને 68 ટકા લોકો શહેરોમાં વસવાટ કરતા હશે :સંયુક્ત રાષ્ટ્રનો અંદાજ access_time 11:15 pm IST

  • બીટકોઈન તોડ મામલો: CID ક્રાઇમની સૌથી મોટી કાર્યવાહી: નલિન કોટડીયા વિરુદ્ધ લુકાઆઉટ નોટિસ જારી: દેશભર ના એરપોર્ટને જાણ કરાઈ: નલિન કોટડીયાની મિલકત પણ કરાશે જપ્ત: બીટકોઈન કેસ માટે રચાયેલ SIT ની મળી મેગા મિટિંગ: CID ક્રાઇમના DG આશિષ ભાટિયાની અધ્યક્ષતામાં મળી મિટિંગ: DIG, SP, 2 DYSP, 2 PI, PSI અને સાયબર એક્સપર્ટ મિટિંગમાં હાજર: નવી એફ આઈ આર નોંધવા માટે ઘડાઈ રણનીતિ: ટૂંક સમયમાં CID કરી શકે છે નવો ધડાકો:નલિન કોટડીયા ના લોકેશન માટે પણ કરાઈ ચર્ચા access_time 12:19 am IST

  • વિધાનસભા બહાર કોંગ્રેસના વરિષ્ઠ નેતાઓ દ્વારા દેખાવો : ભાજપ પોતાની પોકળ જીત પર ખુશી મનાવતી હશે, દેશ લોકતંત્રની હાર પર શોક મનાવશે : રાહુલ ગાંધી access_time 10:57 am IST