Gujarati News

Gujarati News

News of Saturday, 17th April 2021

રાત્રી કર્ફ્યુને લઈને મુખ્યમંત્રી વિજયભાઈ રૂપાણીનું મોટું નિવેદન : કહ્યું- જો પરિસ્થિતિ વણસશે તો 20 શહેરો ઉપરાંત પણ રાત્રી કર્ફ્યુ લગાવશે

કચ્છ જિલ્લાના જુદા-જુદા તાલુકામાં નવા 2 હજાર બેડ વધારવામાં આવશે

ભુજ : કચ્છની મુલાકાત દરમિયાન મુખ્યમંત્રી વિજયભાઈ રૂપાણીએ મોટું નિવેદન આપ્યું હતું. મુખ્યમંત્રીએ કહ્યું કે, રાજ્યની સ્થિતિ પર રોજ અવલોકન થઈ રહ્યું છે. સ્થિતિ વણસી તો 20 શહેર ઉપરાંત રાત્રી કર્ફ્યૂ લગાવાશે. આ સાથે કચ્છને 2000 બેડની હોસ્પિટલ ફાળવાશે તેની પણ જાહેરાત કરી હતી.

આજે મુખ્યમંત્રી વિજયભાઈ  રૂપાણી અને નાયબ મુખ્યમંત્રી નીતિનભાઈ  પટેલ પહેલા જામનગર અને પછી કચ્છની મુલાકાતે હતી. રાજ્યના અલગ-અલગ જિલ્લામાં મુખ્યમંત્રી દ્વારા સ્થિતિનું આંકલન કરવામાં આવી રહ્યું છે. કચ્છની મુલાકાત દરમિયાન મુખ્યમંત્રીએ કહ્યું, રાજ્યમાં રોજ ટેસ્ટિંગ વધારવામાં આવી રહ્યા છે. અને ટેસ્ટિંગ વધતા કેસનું પ્રમાણ પણ વધવાનું છે. પરંતુ જે લોકોને કોરોના સંક્રમણ લાગ્યું છે. તેમને અન્ય લોકોથી દૂર આઈસોલેટ કરવાની કામગીરી થઈ રહી છે. કચ્છમાં ટેસ્ટ વધારવાની સાથે 24 કલાકમાં તેનું પરિણામ આપવામાં આવશે. જેના માટે નવું મશિન ભૂજને આપવામાં આવ્યું છે. સાથે કચ્છમાં 80 જેટલા નવા વેન્ટિલેટર આપવામાં આવશે.

મુખ્યમંત્રીએ કહ્યું કે, કચ્છ જિલ્લાના જુદા-જુદા તાલુકામાં નવા 2 હજાર બેડ વધારવામાં આવશે. આ સાથે હેલ્પ ડેસ્ક બોર્ડ બનાવવામાં આવશે. જેથી દર્દીઓના સગા સંબંધીઓને તેમની જાણ થતી રહેશે. સાથે CMએ કહ્યું કે, મોરબીમાંથી આવતા દર્દીઓને પણ મોરબીમાં જ મળી રહે, તેવી વ્યવસ્થા ઉભી કરવામાં આવશે.   

(10:07 pm IST)
  • આજે રાજકોટ શહેર - જિલ્લામાં કોરોના સંક્રમણમાં આંશિક રાહત : આજે સાંજ સુધીમાં રાજકોટ શહેરમાં 412 અને ગ્રામ્યના 82 કેસ સાથે કુલ 494 નવા કોરોના ના કેસ નોંધાયા access_time 8:09 pm IST

  • રેલ્વે એકટ હેઠળ રેલ્વેના પ્રિમાઈસીસમાં માસ્ક નહિં પહેરનારને સજા કરવામાં આવશે : આ જાગવાઈનું ઉલ્લંઘન કરનારને ૫૦૦ રૂ. સુધીનો દંડ થશે : માસ્ક નહિં પહેરનારને ૫૦૦નો દંડ access_time 2:03 pm IST

  • મુંબઇ સામે હૈદરાબાદને હારની હેટ-ટ્રિકનો ખતરો : કલકત્તા અને બેન્ગલોર સામે પરાજય થયા બાદ વોર્નરના વોરિયર્સે આજે વધુ એક હારથી બચવા કલકતા સામે રોમાંચક જીતથી જોશમાં આવી ગયેલા ચેમ્પીયન્સને હરાવવા પડશે access_time 3:48 pm IST