Gujarati News

રાજકોટ તા. ૧૭ :.. આખા ગુજરાતમાં ગઇકાલે કમોસમી માવઠાની અસર વર્તાઇ હતી, હીલ સ્ટેશન જેવુ વાતાવરણ થઇ ગયું હતું. અનેક ઠેકાણે તોફાની પવન-માથા ફોડી નાંખે એવા કરા પડતા, લોકોમાં ગભરાટ ફેલાયો હતો.તોફાની પવનની સૌથી વધુ ઘેરી અસર સરામાં જોવા મળી હતી, સરા અને આસપાસના પ૦ જેટલા ગામોમાં ગઇકાલે બપોરે તોફાની પવન-સાથે વરસાદ તૂટી પડયો હતો., બરફના કરા પડયા હતા, અનેક ઘરોના - દૂકાનોના પતરા-છાપરા ઉડયા હતાં. પ૦થી વધુ ગામોમાં વીજ પોલ સાફ થઇ જતા અંધારપટ છવાઇ ગયો હતો, ત્રણ સ્થળે ટ્રાન્સફોર્મર બળી ગયા હતાં. વેલાળા ગામે ઝાડ તૂટી પડતા ભેંસનું મોત થયું હતું.