Gujarati News

Gujarati News

News of Tuesday, 17th April 2018

રાજ્યમાં તમામ મહાનગરોમાં બાંધકામની મંજૂરી 48 કલાકમાં મળશે

વિકાસ પરવાનગી મેળવવાનું ઓનલાઇન ફરજીયાત કરાયું :મંજૂરી અંગે 48 કલાકમાં મળશે સૂચના

રાજ્યમાં તમામ મહાનગરોમાં બાંધકામની મંજૂરી 48 કલાકમાં મળશે

અમદાવાદ:રાજ્યમાં અમદાવાદ સહિત તમામ મહાનગરપાલિકા અને કોર્પોરેશન તેમજ ઔડા સહિતની તમામ ઓથોરિટીમાં વિકાસ પરવાનગી  મેળવવાનું ઓનલાઈન ફરજિયાત કરાયું છે ત્યારે હવે ઓનલાઈન અરજી કર્યેથી અરજદારને બાંધકામ માટેની મંજૂરી મળશે કે નહીં મળે તેની એસએમએસ, ઈ-મેઈલ અને વેબસાઈટ પર માહિતી ૪૮ કલાકમાં મળી જશે.

    બાંધકામ અંગે તૈયાર કરાયેલા ઓનલાઈન સોફ્ટવેરમાં અરજદારે રોડની પહોળાઈ, પ્લોટની સાઈઝ વગેરે અપલોડ કરવાનું રહે છે તેના ૪૮ કલાકમાં બાંધકામની મંજૂરી મળવાપાત્ર છે કે કેમ તેનો એસએમએસ તેને મળી જશે. જ્યારે સાત દિવસથી અંદર અધિકારી જમીનનો ટાઈટલ ક્લિયર રિપોર્ટ બરાબર છે કે નહીં તેના આધારે ડિજિટલ સહીથી મંજૂર કે નામંજૂરનો પત્ર પણ ઓનલાઈન મૂકી દેશે.

   આજથી સરકારે ઓનલાઈન વિકાસ પરવાનગી ફરજિયાત કરી છે ત્યારે અધિકારીઓની જવાબદારી પણ ફિક્સ કરી છે. અધિકારીએ અરજદારે જે ડોક્યુમેન્ટ રજૂ કર્યા હશે તે અને જમીનનો ટાઈટલ રિપોર્ટ ચેક કરી સાત દિવસમાં જ બાંધકામ પરવાનગીનો જવાબ આપી દેવો પડશે.

    આજથી અરજદારે httpe.lfp.gujarat.gov.in પર બાંધકામ પરવાનગીની અરજી કરવાની રહેશે અને પોર્ટલમાં જણાવ્યા મુજબના દસ્તાવેજ ઓનલાઈન જોડવાના રહેશે. આ અરજીના બે દિવસમાં અધિકારીની ડિજિટલ સિગ્નેચરથી અરજદારને ઈ-મેઇલ કરાશે અને સાઈટ પર અપલોડ થશે. આમ, અરજદારે હવે કચરીના ધક્કા ખાવા નહીં પડે. અધિકારીઓને વારંવાર ફોલોઅપ માટે પણ મળવું પડશે નહીં. ઓનલાઈન અરજીની સાથે ચકાસણી પણ ઓનલાઈન થશે.

(11:57 pm IST)
  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST

  • કાશ્મીરમાં શંકરાચાર્યજીના સ્થાનક શારદા પીઠની અવદશા : પાકિસ્તાન કબ્જા હેઠળના કાશ્મીરમાં આવેલ નીલમ વેલીમાં શંકરાચાર્યજીની મૂળ પીઠ મનાતી શારદા પીઠના અવશેષોની હાલત જોઈ કોઈપણ હિન્દુનો જીવ ઉકળી ઉઠે છે, ચીનના બૌદ્ધ સાધુ શીયાન ઝેંગે ૭મી સદીમાં આ ભવ્ય સ્થળની મુલાકાત લઈ નોંધ લખી છે, ઈન્ડીયાહીસ્ટ્રીપીકના ટ્વીટર હેન્ડલ ઉપર આ વિગતો મુકાયેલ છે access_time 12:50 pm IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST