Gujarati News

Gujarati News

News of Tuesday, 17th April 2018

કામરેજના કરજણમાં પ્રેમી સાથે સંબંધ રાખવાની ના કહેતા ત્રણ સંતાનની માટે મહિલાને માર માર્યો

કામરેજ:તાલુકાના કરજણ ગામે રહેતી મહિલાએ ફળિયામાં રહેતી ત્રણ સંતાનની માતાને ગામના યુવાન સાથે સંબંધ રાખવાની ના પાડતા યુવાને મહિલાને માર મારતા મામલો પોલીસમાં પહોંચ્યો હતો. મહિલાએ ફળિયાની મહિલા અને મારનાર યુવાન વિરૃદ્ધ એટ્રોસીટી  એક્ટ હેઠલ ફરિયાદ નોંધાવી છે. કરજણ ગામે નવા ફળિયામાં રેખાબેન પ્રવિણભાઇ રાઠોડ પતિ અને બે બાળકો સાથે રહે છે. તા. ૧૨-૪-૧૮ના રોજ રેખાબેન ઘરમાં કામ કરતી હતી ત્યારે ફળિયામાં રહેતી ત્રણ  સંતાનની માતા રેખાબેનના ઘરે ગઇ હતી. તે સમયે રેખાબેને મહિલાને કહ્યું કે, તું છનો ઉર્ફે કિરણ સાથે સંબંધ રાખવાના બંધ કર. તને ખબર છે કે તારા ત્રણ છોકરા છે. કોઇક દિવસ તારા વિશે લોકોને  ખબર પડશે તો તારી બદનામી  થશે.  જે સાંભળી મહિલા રેખાબેનના ઘરમાંથી નીકળી જતી રહી હતી. બાદમાં મહિલા થોડીવાર પછી રેખાબેન પાસે જઇ તારા મમ્મી પપ્પા તારા ઘરે આવેલા છે તેમ કહી સાથે લઇ ગઇ હતી. રેખાબેનના ઘરે કોઇ ન હતું પરંતુ થોડીવારમાં કિરણ મોહનભાઇ પટેલ ત્યાં પહોંચી જઇ એકદમ ઉશ્કેરાઇ જઇ તું કેમ લોકોને અમારા સંબંધો વિશે વાત કરીને બદનામ કરે છે તેમ કહીને રેખાબેનને પેટમાં મારી જમીન પર પાડી દઇ લાકડીના સપાટા માર્યા હતા

(4:31 pm IST)
  • વાડી વિસ્તાર માંથી યુવાનની મળી લાશ: સિહોર તાલુકાના પિંગળી ગામની વાડી વિસ્તારમાંથી પચીસ વર્ષના યુવાન લાલજી વાઘેલાની મળી લાશ:લાશને પીએમ માટે સિહોર સીએચસી હોસ્પિટલ ખાતે ખસેડાઇ.. access_time 1:29 am IST

  • મહેબુબા મુફ્તી સરકારમાંથી ભાજપના તમામ મંત્રીઓએ રાજીનામાં આપ્યા :ભાજપ મોટાપાયે પુન :રચના કરવા જઈ રહયું છે :ભાજપે કહ્યું કે સરકાર ઉપર કોઈ ખતરો નથી :કેબિનેટમાં ફેરફાર થઇ રહ્યાં છે access_time 10:53 pm IST

  • વડોદરાના બહુચર્ચિત ભટનાગર બંધુઓની ધરપકડ : વડોદરામાં રૂ. 2654 કરોડના કૌભાંડમાં પિતા સુરેશ ભટનાગર અને બન્ને ભાઈઓ અમિત - સુમિત ભટનાગરની ધરપકડ : રાજસ્થાનના ઉદયપુરથી કરાઈ ત્રણેયની ધરપકડ : CBI અને ATSનું સંયુક્ત સફળ ઓપરેશન access_time 12:34 am IST