Gujarati News

Gujarati News

News of Tuesday, 17th April 2018

આણંદની સબજેલમાં અચાનક 40 કેદીઓની હાલત લથડી પડતા અફડાતફડી

આણંદ:પંથકમાં આવેલ સબ જેલમાં અફડાતફડીનો માહોલ સર્જાયો હતો. જેમાં કાચા કામના કેદીઓમાંથી ૪૦ કેદીઓને ઝાડા-ઉલ્ટી થતા કાફલો દોડતો થયો હતો. આ ઘટનામાં કેદીઓની સંખ્યામાં વધારો થવાથી અને ગરમીના કારણે સફોકેશનથી આ માહોલ સર્જાયો હોવાની માહિતી પ્રાપ્ત થઈ હતી. આણંદમાં આવેલ સબ જેલમાં ગઈ કાલે મોડી સાંજે જેલર અને મામલતદારનો કાફલો દોડતો થયો હતો. આ જેમાં રહેતા કેદીઓમાંથી ૪૦ કેદીઓની અચાનક તબિયત લથડતા અફડાતફડીનો માહોલ સર્જાયો હતો. કેદીઓને બપોરનું ભોેજન આપ્યા બાદ કેટલાકને ઉલ્ટી તથા કેટલાકને ઝાડાની સમસ્યા શરુ થઈ હતી.જેથી જેલરે તુરંત જ મામલતદાર અને ઉચ્ચ કક્ષાના અધિકારીઓને જાણ કરી હતી.જેમાં આ તમામ ૪૦ કાચાકામના કેદીઓને તુરંત જ આણંદ નગરપાલિકા હોસ્પિટલમાં ખસેડવામાં આવ્યા હતા. જેમાંથી ૧૨ વ્યક્તિઓની હાલત ગંભીર જણાતા તબીબે તેઓને બોટલો ચઢાવી સારવાર શરુ કરી હતી.જ્યારે બીજા ૯ વ્યક્તિઓને ડિહાઈડ્રેશન થતા તેઓને ઈન્જેક્શન અને દવા આપી સારવાર શરુ કરવામાં આવી હતી.મોડી સાંજ સુધી બીજા કેદીઓની તબિયતમાં સુધારો આવતા પરત જેલમાં મોકલી દેવામાં આવ્યા હતા. જ્યારે બીજાને સારવાર માટે રાખવામાં આવ્યા હતા

(4:30 pm IST)
  • કબરમાંથી સદ્દામનો મૃતદેહ ગાયબ : ઇરાકના પૂર્વ સતાધીશ સદ્દામ હુસૈનને અલ-અજવા ગામમાં દફનાવ્યા હતા : આજે ત્યાં કોઇ અવશેષ નથી : ૩૦ ડિસે. ર૦૦૬ના દિને દફત થયુ હતું : ઉલ્લેખનીય છે કે, શિયા સમુદાય અહીં સદ્દામનું સ્થાનક બને તેમ ઇચ્છતો ન હતો : ઝીન્યુઝીનો અહેવાલ access_time 11:22 am IST

  • ગુજરાત લેન્ડ ડેવલોપમેન્ટ કોર્પોરેશનના લાખોના ભ્રસ્ટાચાર કૌભાંડમાં ધરપકડ થયેલ 2 અધિકારી પરમાર અને વાઘેલાને અદાલતે 10 દિવસના રિમાન્ડ પર સોંપેલ છે access_time 10:50 pm IST

  • કાશ્મીરમાં શંકરાચાર્યજીના સ્થાનક શારદા પીઠની અવદશા : પાકિસ્તાન કબ્જા હેઠળના કાશ્મીરમાં આવેલ નીલમ વેલીમાં શંકરાચાર્યજીની મૂળ પીઠ મનાતી શારદા પીઠના અવશેષોની હાલત જોઈ કોઈપણ હિન્દુનો જીવ ઉકળી ઉઠે છે, ચીનના બૌદ્ધ સાધુ શીયાન ઝેંગે ૭મી સદીમાં આ ભવ્ય સ્થળની મુલાકાત લઈ નોંધ લખી છે, ઈન્ડીયાહીસ્ટ્રીપીકના ટ્વીટર હેન્ડલ ઉપર આ વિગતો મુકાયેલ છે access_time 12:50 pm IST