Gujarati News

Gujarati News

News of Tuesday, 17th April 2018

બાયડ તાલુકાના સાત ગામોમાં પીવાના પાણીની સમસ્યાથી લોકોને ભર ઉનાળે હાલાકીનો સામનો કરવાની નોબત આવી

બાયડ:તાલુકાના ૭ ગામોમાં પીવાના પાણીની પડતી તકલીફને લઈ મોંઘવારી નિવારણ મંચ દ્વારા શહેરમાં રેલી યોજી સૂત્રોચ્ચાર પોકારી પ્રાંત અધિકારીને આવેદનપત્ર આપી રજૂઆત કરાઈ હતી. બાયડ તાલુકાના સાઠંબા,ઈન્દ્રાણ,હઠીપુરા,ઓઢા પંચાયત,મુનજીના મુવાડા,બોરડી, પટેલના મુવાડા અને આમોદરા ગામોમાં પીવાના પાણીની મોટી તકલીફ છે. ગામોમાં ઉનાળાની શરૃઆતથી જ ૫ાણીની તકલીફ ઉભી થઈ છે.અડધા તાલુકાની વસ્તી આ વિસ્તારમાં આવેલી છે. કર્વારી ઉધોગના કારણે પાણીના તળ ઉંડા થયા છે. ઘણી જગ્યાએ હેન્ડપંપ પણ બંધ હાલતમાં છે.જયારે આ પંથકના તળાવો પણ ખાલીખમ થયા છે.જેથી પશુઓ માટે પીવાના પાણીની પણ સમસ્યા ઉભી થઈ છે. જયારે મોટાભાગના ખેડૂત પરીવારો પશુપાલન પર નભે છે.હાલની પરિસ્થિતિ પશુઓ માટે પીવાના પાણીની મોટી તકલીફ હોય સોમવારના રોજ મોંઘવારી નિવારણ મંચના સીરાજભાઈ મોડાસીયા સહિત મોટીસંખ્યામાં કાર્યકરો સાથે બાયડ શહેરમાં રેલી યોજી હતી. સૂત્રોચ્ચાર પોકારી આ રેલી પ્રાંત કચેરીએ પહોંચી હતી. અને તંત્રને આવેદનપત્ર આપ્યું હતું.આવેદનમાં જણાવ્યું હતું કે આ વિસ્તારમાં સત્વરે પીવાના પાણીની અને પશુઓ માટેના પાણીની વ્યવસ્થા કરવામાં આવે તેવી રજૂઆત કરાઈ હતી.

(4:29 pm IST)
  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • રોટોમેક કૌભાંડ કેસમાં CBI એ બેન્ક ઓફ બરોડાના 6 ઓફિસરોની પૂછપરછ હાથ ધરી છે જેમાં કંપનીના પૂર્વ સીમેંદીઃ એમ,ડી માલ્યા ,અને બે પૂર્વ એક્ઝિ,ડાયરેક્ટર વી,સંથાનારમણ અને આર,કે,બક્ષીનો સમાવેશ થાય છે access_time 10:51 pm IST

  • દૂબઇની રાજકુમારી ગાયબઃ શાસક શેખ મહમ્મદ બિન રાશિદ અલ મખ્તુમની દીકરી શેખ લાતિફાએ સામાન્ય છોકરીની જેમ જીવવાનું એલાન કર્યુ હતું: દૂબઇથી ભાગેલી લાતિફા અરબ સાગરમાં એક નાવમાંથી પકડાઇ હતીઃ મારપીટ કરીને દૂબઇ લાવવામાં આવી હતીઃ લાતિફાના મિત્રો કહે છે, તે ફરી જોવા મળી નથી access_time 3:46 pm IST