Gujarati News

Gujarati News

News of Tuesday, 17th April 2018

અમદાવાદના સેટેલાઈટમાં યુવતીઓની છેડતી થતા વેપારીઓનો ઉગ્ર આંદોલન

અમદાવાદ:સેટેલાઈટમાં આનંદનગર રોડ પર આવેલા ટાઈટેનિયમ બિઝનેસ સેન્ટરમાં યુવતીઓ અને છોકરીઓની છેડતી અને મારામારી કરતા લુખ્ખા તત્વોથી અહીંના વેપારીઓ ત્રાસી ગયા હતા. દરમિયાન સેન્ટરના પાર્કિંગમાં આ ટોળકીના એક શખ્સને વેપારીઆએેે રંગેહાથ ઝડપી લઈને પોલીસને બોલાવી હતી. જોકે પોલીસે યોગ્ય કાર્યવાહી ન કરતા ૧૫૦ વેપારીઓનું જૂથ ઝોન ૭ ના ડીસીપીને મળ્યું હતું. અંતે પોલીસે યોગ્ય કાર્યવાહીની ખાતરી આપી બે શખ્સોને તાબામાં લીધા હતા. આ બનાવની વિગત મુજબ આનંદનગર રોડ પર સીમા હોલ સામે આવેલા ટાઈટેનિયમ બિઝનેસ સેન્ટરમાં છેલ્લા બે વર્ષથી લુખ્ખા તત્વોનો ત્રાસ હતો. આ બિઝનેસ સેન્ટરમાં ૧૨૦૦ જેટલી ઓફિસો અને ૧૫૦ દુકાનો આવેલી છે. જેમાં ઘણા ટયુશન ક્લાસીસ પણ આવેલા છે. આ લુખ્ખા તત્વો ટયુશનમાં આવતી છોકરીઓ અને ઓફિસોની યુવતીઓની છેડતી કરતા હતા. તે સિવાય અહીંના સ્કિયુરિટી ગાર્ડ તથા દુકાનોવાળાને દાદાગીરી કરીને મારઝૂડ કરી પરેશાન કરતા હતા. ૧૬ એપ્રિલના રોજ બપોરે ૨ વાગ્યે બિઝનેસ સેન્ટરના બેઝમેન્ટમાં પાર્કિંગમાં એક શખ્સ કારમાં એક યુવતી સાથે ઝડપાઈ ગયો હતો. જેને કારણે વેપારીઓ મોટી સંખ્યામાં બેઝેન્ટમાં એકઠા થઈ ગયા હતા અને પોલીસને જાણ કરી હતી. તે સમયે આ શખ્સનો સાથીદાર વિપુલ દેસાઈ તેના માણસોને લઈને અહીં આવી પહોંચ્યો હતો અને સીસીટીવી કેમેરાની તોડફોડ કરીને આતંક મચાવ્યો હતો. તેણે સેક્રેટરી કુશ વ્યાસ અને ચેરમેન મયુર મહેતાને મારવાની ધમકી આપી હતી.
 

(4:29 pm IST)
  • વડોદરાના બહુચર્ચિત ભટનાગર બંધુઓની ધરપકડ : વડોદરામાં રૂ. 2654 કરોડના કૌભાંડમાં પિતા સુરેશ ભટનાગર અને બન્ને ભાઈઓ અમિત - સુમિત ભટનાગરની ધરપકડ : રાજસ્થાનના ઉદયપુરથી કરાઈ ત્રણેયની ધરપકડ : CBI અને ATSનું સંયુક્ત સફળ ઓપરેશન access_time 12:34 am IST

  • કોંગ્રેસના રાષ્ટ્રીય અધ્યક્ષ રાહુલ ગાંધી સોમવારે ત્રણ દિવસની મુલાકાત માટે પોતાના સંસદીય વિસ્તાર અમેઠી પહોંચ્યા હતાં. રાહુલ ગાંધી અમેઠીના એક સ્કૂલના કાર્યક્રમમાં સંબોધન માટે પહોંચ્યા હતાં.રાહુલ ગાંધીને એક વિદ્યાર્થિનીએ પૂછ્યું કે દેશમાં જે નિયમ બને છે તેને ગ્રામીણ વિસ્તારોમાં સાચી રીતે શા માટે લાગુ પાડવામાં આવતાં નથી. જેના જવાબમાં રાહુલે તરત જ કહ્યું કે,’એ તમે મોદીજીને પૂછો. સરકાર મોદીજી ચલાવે છે. અમારી સરકાર નથી. જ્યારે અમારી સરકાર હશે ત્યારે અમે જવાબ આપીશું.’ access_time 3:59 am IST

  • કબરમાંથી સદ્દામનો મૃતદેહ ગાયબ : ઇરાકના પૂર્વ સતાધીશ સદ્દામ હુસૈનને અલ-અજવા ગામમાં દફનાવ્યા હતા : આજે ત્યાં કોઇ અવશેષ નથી : ૩૦ ડિસે. ર૦૦૬ના દિને દફત થયુ હતું : ઉલ્લેખનીય છે કે, શિયા સમુદાય અહીં સદ્દામનું સ્થાનક બને તેમ ઇચ્છતો ન હતો : ઝીન્યુઝીનો અહેવાલ access_time 11:22 am IST