Gujarati News

Gujarati News

News of Tuesday, 17th April 2018

નર્મદા ડેમમાં પાણીની આવક બંધ? સપાટીમાં સતત ઘટાડો ગંભીર સમસ્યા સર્જાવાનો ભય

રાજયની જીવાદોરી સમાન નર્મદા ડેમમાં પાણીની આવક બંધ થઇ જતા ડેમની પાણીની સપાટીમાં સતત ઘટાડો નોંધાઇ રહ્યો હોઇ આગામી દિવસોમાં પાણીની ગંભીર કટોકટી સર્જાય તેવા એંધાણ વર્તાઇ રહ્યા છે.

 

રાજયના કેટલાય વિસ્તારોમાં ઉનાળા દરમ્યાન પાણીની તંગીની ફરીયાદો ઉઠવા પામતા તંત્ર તરફથી દોડધામ વધારી આયોજનો કરવામાં આવી રહ્યા હોવાનું જણાવાયુ હતુ.

રાજયમાં પાણીનો મુખ્ય સ્ત્રોત એવી સરદાર સરોવર નર્મદા ડેમમાં જે રીતે સતત પાણીની સપાટીમાં ઘટાડો થઇ રહ્યો છે અને તેમાંય વળી હવે છેલ્લા કેટલાક દિવસોથી ઉપરવાસમાંથી  આવતા પાણીની આવક સદંતર બંધ થઇ જવા પામતા હાલમાં ડેમમાં જે પાણી છે તેમાંથી ગુજરાત સહિત અન્ય રાજયનો હિસ્સો હોઇ આપણને કેટલુ અને કયાં સુધી પાણી મળી શકે તે અંગે ગણતરીઓ તથા અનેુમાનો કરવામાં આવી રહ્યા છે. નર્મદા ડેમમાં  હાલમાં પાણીની સપાટી ૧૦૪.૮૧ મીટર પર પહોંચી છે અને પાણીની આવક બંધ થતાં અને જાવક સતત ચાલુ હોઇ સપાટીમાં સતત ઘટાડો નોંધાઇ રહ્યો છે ત્યારે હવે આગળ પાણી માટે  કેવી સ્થિતી ઉભી થાય છે તેની કલ્પના કરવી રહી. હાલમાં આઇબીપીટી  ટનલમાંથી ગુજરાતને પીવા માટેે ૨૩૪૬ કયુસેક પાણી આપવામાં આવી રહ્યુ છે.

આમ હવે આગામી સમયમાં મધ્યપ્રદેશના ઉપરવાસના ડેમમાંથી ગુજરાતને પાણી નહીં મળે તો વિકટ પરિસ્થિતિ સર્જાય તેેવા એંધાણ જોવા મળી રહ્યા છે. ગુજરાત સહિત અન્ય રાજયોને રોજેરોજ અપાતા પાણીના જથ્થાને લઇ ડેમમાં પાણી ઘટી રહ્યુ હોઇ તેની સામેે ઉપરવાસમાંથી પાણી મળી રહે તે અત્યંત આવશ્યક છ.

(11:34 am IST)
  • દૂબઇની રાજકુમારી ગાયબઃ શાસક શેખ મહમ્મદ બિન રાશિદ અલ મખ્તુમની દીકરી શેખ લાતિફાએ સામાન્ય છોકરીની જેમ જીવવાનું એલાન કર્યુ હતું: દૂબઇથી ભાગેલી લાતિફા અરબ સાગરમાં એક નાવમાંથી પકડાઇ હતીઃ મારપીટ કરીને દૂબઇ લાવવામાં આવી હતીઃ લાતિફાના મિત્રો કહે છે, તે ફરી જોવા મળી નથી access_time 3:46 pm IST

  • કાશ્મીરમાં શંકરાચાર્યજીના સ્થાનક શારદા પીઠની અવદશા : પાકિસ્તાન કબ્જા હેઠળના કાશ્મીરમાં આવેલ નીલમ વેલીમાં શંકરાચાર્યજીની મૂળ પીઠ મનાતી શારદા પીઠના અવશેષોની હાલત જોઈ કોઈપણ હિન્દુનો જીવ ઉકળી ઉઠે છે, ચીનના બૌદ્ધ સાધુ શીયાન ઝેંગે ૭મી સદીમાં આ ભવ્ય સ્થળની મુલાકાત લઈ નોંધ લખી છે, ઈન્ડીયાહીસ્ટ્રીપીકના ટ્વીટર હેન્ડલ ઉપર આ વિગતો મુકાયેલ છે access_time 12:50 pm IST

  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST