Gujarati News

Gujarati News

News of Monday, 16th April 2018

રાજ્યમાં 8000 તળાવોને ઊંડા કરાશે :34 નદીઓને પુનર્જીવિત કરીને શુદ્ધ કરાશે :મુખ્યમંત્રી વિજયભાઈની જાહેરાત

જોડિયામાં દરિયાના ખારા પાણીને મીઠું કરી રોજનું ૧૦૦ MLD ઉપયોગમાં લેવાના પ્લાન્ટ અંગે કોન્ટ્રાક્ટ અપાઈ ગયા

રાજ્યમાં 8000 તળાવોને ઊંડા કરાશે :34  નદીઓને પુનર્જીવિત કરીને  શુદ્ધ કરાશે :મુખ્યમંત્રી વિજયભાઈની જાહેરાત

 

રાજકોટઃ સમગ્ર રાજ્યમાં પાણીની તંગી નિવારવા અને ફરી ક્યારેય પાણીની કટોકટી સર્જાય તે માટે રાજ્ય સરકાર દ્વારા આગામી સમયમાં સુજલામ સુફલામ યોજના શરુ કરશે  મુખ્યમંત્રી વિજયભાઈ  રૂપાણીએ  જણાવ્યું હતું કે, સરકાર દ્વારા ચેકડેમોને રીપેર કરવામાં આવશે, ૮૦૦૦ જેટલા તળાવને ઉંડા કરવામાં આવશે અને ૩૪ નદીઓ પુનર્જીવીત કરી શુદ્ધ કરવામાં આવશે

 

   સાથે જામનગરના જોડિયા ખાતે દરિયાના ખારા પાણીને મીઠું કરી રોજનું ૧૦૦ MLD ઉપયોગમાં લેવા માટે ના પ્લાન્ટ અંગે કોન્ટ્રાક્ટ અપાઈ ગયા હોવાનું જણાવ્યું હતું. ડીસેનીનેશન પ્લાન્ટનું આગામી મહિનામાં ખાતમુહુરત કરવામાં આવશે જેના માટે પ્રધાનમંત્રી નરેન્દ્ર મોદીને રાજ્ય સરકાર દ્વારા આમંત્રણ પાઠવવામાં આવશે.

મુખ્યમંત્રી વિજયબહી  રૂપાણી રાજકોટની મુલાકાતે આવ્યા હતા. રાજકોટ મનપા, ડીપાર્ટમેન્ટ ઓફ સાયન્સ, સ્પોર્ટ્સ ઓથોરીટી ઓફ ગુજરાત અને જીલ્લા વહીવટી તંત્રના સયુંકત ઉપક્રમે યોજાયેલા ૨૫૬ કરોડના અલગ અલગ ખાતમુહુરત અને લોકાર્પણના કાર્યક્રમ મુખ્યમંત્રીના હસ્તે કરવામાં આવ્યા હતા. રાજકોટ આવેલ મુખ્યમંત્રી વિજયભાઈ  રૂપાણી જાહેરાત કરી જણાવ્યું હતું કે , પશ્ચિમ રાજકોટ માં તળાવ નથી માટે નવા રેસકોર્સ ખાતે ૧૦ એકર જગ્યા માં એક નવું તળાવ બનાવવામાં આવશે.

(11:33 pm IST)
  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST

  • ઉત્તરાખંડના ઉત્તરકાશી, ચમોલી, પિથૌરગઢ, રૂદ્રપ્રયાગ,નૈનિતાલ, અલ્મોડા સહિતના જિલ્લાઓમાં ૨૪ કલાકમાં વરસશે વરસાદઃ અન્ય જગ્યાએ વાતાવરણ રહેશે સામાન્યઃ ગઇકાલે દેહરાદૂન અને નજીકના કેટલાક વિસ્તારોમાં છાંટા પડયા'તા access_time 3:47 pm IST