Gujarati News

Gujarati News

News of Monday, 16th April 2018

ખંડણી કેસ : નરોડા પોલીસની ટીમે મનીષાને પકડવા કચ્છમાં

વેપારી પાસેથી દસ લાખની ખંડણી માંગવાનો કેસઃ પોલીસની નખત્રાણાના ધાવડા સહિતના સ્થળ પર તપાસ

અમદાવાદ,તા. ૧૬: શહેરના નરોડા વિસ્તારના વેપારી અને કચ્છના અબડાસાના ધારાસભ્ય જયંતિ ભાનુશાળીના ભત્રીજા સુનીલ ભાનુશાળી પાસેથી રૃ. દસ કરોડથી ખંડણી માંગવાના ચકચારભર્યા પ્રકરણમાં નરોડા પોલીસની ટીમે આરોપણ મહિલા મનીષા ગોસ્વામીની તપાસ માટે કચ્છ ખાતે ધામા નાંખ્યા હતા. પોલીસે મનીષા ગોસ્વામીની ભાળ મેળવવા નખત્રાણાના ધાવડા ગામે પણ તપાસ હાથ ધરી હતી. જયંતિ ભાનુશાળીના ભત્રીજા સુનીલ ભાનુશાળીએ મનીષા ગોસ્વામી નામની મહિલાએ તેમને ફસાવી તેમને શહેરની એક હોટલમાં લઇ જઇ કોઇક પદાર્થ પીવડાવી બેભાન બનાવી તેનો બિભત્સ વીડિયો ઉતાર્યા બાદ તેના આધારે બ્લેકમેઇલ કરી રૃ.દસ લાખની ખંડણી માંગી હોવાની ફરિયાદ નરોડા પોલીસમાં ફરિયાદ નોંધાવી હતી, જેના આધારે નરોડા પોલીસ આજે કચ્છ પહોંચી હતી. જો કે, સુનીલ ભાનુશાળીની ફરિયાદ બાદ બીજા દિવસે મનીષા ગોસ્વામી નામની આ મહિલાએ એક વીડિયો વાયરલ કરી એવો દાવો કર્યો હતો કે, તેણી ધારાસભ્ય જયંતિ ભાનુશાળીના મોટા મોટા કૌભાંડો જાણે છે અને તેની એક જમીન ખાલી કરાવવા અને જયંતિ ભાનુશાળીના મોટા સ્કેન્ડલનો પર્દાફાશ ના થાય તે માટે તેની પર ખોટુ દબાણ ઉભુ કરવા તેની વિરૃધ્ધ આ ફરિયાદ કરાઇ છે. મહિલાના આ આક્ષેપોને પગલે સમગ્ર કેસમાં નવો જ વળાંક આવ્યો હતો. મનીષા ગોસ્વામી નામની મહિલાએ એવા પણ આક્ષેપ કર્યા હતા કે, પોલીસે તેની પાસેથી કેટલાક બાંહેધરીપત્ર પર બળજબરીપૂર્વક તેની સહીઓ લઇ લીધી છે અને લખાણ લેવડાવ્યું છે. પોલીસે મહિલાના આ આક્ષેપોને લઇને પણ તપાસ શરૃ કરી છે. જો કે, મનીષા ગોસ્વામી નામની આ મહિલા મૂળ કચ્છની વતની હોવાથી નરોડા પોલીસની ટીમે આજે કચ્છમાં ધામા નાંખ્યા હતા.

પોલીસ સ્ટાફના માણસો આજે નખત્રાણાના ધાવડા ગામ સહિતના જુદા જુદા સ્થળોએ આરોપણ મહિલા મનીષા ગોસ્વામીની શોધખોળ આદરી હતી. પોલીસે સ્થાનિક શકમંદોની પૂછપરછ પણ કરી હતી. આ સમગ્ર પ્રકરણમાં આગામી દિવસોમાં કેટલાક ચોંકાવનારા ખુલાસા સામે આવે તેવી શકયતા છે.  ઉલ્લેખનીય છે કે, શહેરના નરોડા વિસ્તારમાં રહેતા વેપારી સુનીલ ભાનુશાળી પાસેથી મનીષા ગોસ્વામી અને તેના પતિ દ્વારા છેલ્લા કેટલાક સમયથી રૃ.૧૦ કરોડની ખંડણી માંગવામાં આવતી હતી, જેનાથી કંટાળીને આખરે વેપારીએ નરોડા પોલીસમથકમાં મહિલા આરોપી મનીષા ગોસ્વામી અને તેના પતિ વિરૃધ્ધ ફરિયાદ નોંધાવી દીધી હતી. વેપારીના આક્ષેપ મુજબ, મનીષા ગોસ્વામી તેમને શહેરની એક હોટલમાં લઇ ગઇ હતી, જયાં તેમને કોઇક પદાર્થ પીવડાવી બેભાન બનાવી દીધા હતા અને તે પરિસ્થિતનો લાભ લઇ તેમનો બિભત્સ વીડિયો ઉતારી લેવામાં આવ્યો હતો. બાદમાં આ વીડિયો સોશ્યલ મીડિયામાં વાયરલ કરી સમાજમાં તેમને બદનામ કરી દેવાની ધમકી આપી આરોપી પતિ-પત્ની દ્વારા તેમની પાસે રૃ.૧૦ કરોડની ખંડણી માંગવામાં આવતી હતી. અત્યારસુધીમાં વેપારી પાસેથી આ મહિલા અને તેના પતિએ રૃ.૫૦ લાખ જેટલી માતબર રકમ તો પડાવી પણ લીધી હોવાનું પોલીસ તપાસમાં સામે આવ્યું હતું.

(9:51 pm IST)
  • રોટોમેક કૌભાંડ કેસમાં CBI એ બેન્ક ઓફ બરોડાના 6 ઓફિસરોની પૂછપરછ હાથ ધરી છે જેમાં કંપનીના પૂર્વ સીમેંદીઃ એમ,ડી માલ્યા ,અને બે પૂર્વ એક્ઝિ,ડાયરેક્ટર વી,સંથાનારમણ અને આર,કે,બક્ષીનો સમાવેશ થાય છે access_time 10:51 pm IST

  • અફઘાનીઓએ પાંચ પાક જવાનોને ફૂંકી માર્યા : અફઘાન સરહદે ઝપાઝપી : દુબાયેલી લોકોએ પાંચ સૈનિકોને મારીને એકનું અપહરણ કર્યુ : અફઘાન સરહદમાં ઘુસવું પાક.ને ભારે પડ્યું: બીબીસીનો અહેવાલ access_time 11:22 am IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST