Gujarati News

Gujarati News

News of Monday, 16th April 2018

રેપ હોરર : ગુજરાતભરમાં વિરોધ પ્રદર્શન અને આક્રોશ

અપરાધીઓને અતિ કઠોર સજા કરવાની માંગણીઃ કઠુઆ, ઉન્નાવ, સુરતમાં હાલની બળાત્કારની ઘટનાઓને લઈને લોકોમાં નારાજગી : શ્રદ્ધાંજલી, કેન્ડલમાર્ચ યોજાયા

અમદાવાદ,તા.૧૬: દેશના જુદા જુદા ભાગોમાં હાલના દિવસોમાં બળાત્કારના બનેલા બનાવને લઈને નારાજગીનું મોજુ અકબંધ રહ્યું છે. આજે ગુજરાતના વિવિધ ભાગોમાં વિરોધ પ્રદર્શન દોર જારી રહ્યો હતો. અપરાધીઓને અતી કઠોર સજા કરવાની માંગ કરવામાં આવી હતી. કેડલમાર્ચ, શ્રદ્ધાંજલિ કાર્યક્રમો અને સહી ઝુંબેશ જેવા કાર્યક્રમો યોજવામાં આવ્યા હતા. અમદાવાદ, રાજકોટ, વડોદરા, ભાવનગર, સુરત અને ગુજરાતના અન્ય ભાગોમાં વિવિધ સંસ્થાઓ દ્વારા અને સામાન્ય લોકો દ્વારા દેખાવો કરવામાં આવ્યા હતા. જમ્મુ કાશ્મીરમાં કઠુઆ, ઉત્તર પ્રદેશમાં ઉનાવ, ગુજરાતમાં સુરત જેવા વિસ્તારોમાં હાલમાં બળાત્કારની કમકમાટી ભરી ઘટનાઓ બની રહી છે. આવી સ્થિતિમાં વિરોધ પ્રદર્શનનો દોર જારી રહ્યો છે. અમદાવાદ શહેરમાં આજે ચાંદખેડા, જમાલપુર, ખોખરા, શાહપુર, દરિયાપુુર વિસ્તારોમાં સ્થાનિક લોકોએ દેખાવો કર્યા હતા. રવિવારના દિવસે દરિયાપુરના ઢાંબગણવાડ વિસ્તારમાં લોકો બહાર નીકળ્યા હતા અને જોરદાર વિરોધ પ્રદર્શન કરવામાં આવ્યા હતા. કઠુઆમાં આઠ વર્ષીય બાળકી પર બળાત્કાર સામેના વિરોધમાં જોરદાર દેખાવો કરવામાં આવ્યા હતા. જમાલપુરમાં સહી ઝુંબેશનું આયોજન કરવામાં આવ્યું હતું.

એક મંદિરમાં બાળકીને પકડી રાખીને ઘણા દિવસ સુધી અત્યાચાર ગુજારવામાં આવ્યો હતો. ઉન્નાવ બળાત્કાર કેસ વિરોધમાં પણ દેખાવો કરવામાં આવ્યા હતા. પાટીદાર નેતા હાર્દિક પટેલે પણ કેન્ડલમાર્ચ ભાગ લઈને પોતાની નારાજગી વ્યક્ત કરી હતી. સાથે સાથે યુવતીઓને કરાટે ક્લાસની રજુઆત કરી હતી. કઠુઆ, ઉન્નાવ, સુરતમાં હાલના બનાવને લઈને નારાજગી સતત વધી રહી છે. અપરાધીઓને અતિ કઠોર સજા કરવાની માંગણી દિનપ્રતિદિન પ્રબળ બની રહી છે.

(9:50 pm IST)
  • વાડી વિસ્તાર માંથી યુવાનની મળી લાશ: સિહોર તાલુકાના પિંગળી ગામની વાડી વિસ્તારમાંથી પચીસ વર્ષના યુવાન લાલજી વાઘેલાની મળી લાશ:લાશને પીએમ માટે સિહોર સીએચસી હોસ્પિટલ ખાતે ખસેડાઇ.. access_time 1:29 am IST

  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST