Gujarati News

Gujarati News

News of Monday, 16th April 2018

પારડી તાલુકાના ડુમલાવમાં માતાની હત્યા કર્યા બાદ પુત્રે આપઘાત કરી મોતને વ્હાલું કર્યું

પારડી :તાલુકાના ડુમલાવ ગામે ગઇકાલે પુત્રએ સગી જનેતા પર લાકડા વડે જીવલેણ હુમલો કરી ઢીમ ઢાળી દીધા બાદ પોતે ફાંસો ખાઇ આપઘાત કરી લેતાં પંથકમાં ભારે ચકચાર મચી છે. મોડીરાત્રે મોટો પુત્ર ઘરે આવ્યા બાદ આખો મામલો પ્રકાશમાં આવ્યો હતો. મકાનનો દરવાજો તોડી અંદર પ્રવેશતા જ નાના ભાઇની ફાંસો ખાધેલી હાલતમાં અને માતાની ઘરના આંગણામાંથી લોહીલુહાણ હાલતમાં લાશ મળી આવી હતી.

પારડીના ડુમલાવ ગામે  દેસાઇવાડ ખાતે ચીમનભાઇ પટેલનો પરિવાર રહે છે.  ગઇકાલે રાત્રે ચીમનભાઇનો મોટો પુત્ર જતીન પટેલ ખેરલાવ  ગામે રહેતા મામાને ત્યાંથી ઘરે આવ્યો  હતો  અને દરવાજો ખટખટાવતા છતાં કોઇ જવાબ નહીં મળતા પાડોશીને બોલાવી દરવાજો તોડી અંદર પ્રવેશતા નાના ભાઇ વિમલ  (ઉ.વ. ૨૦) ફાંસો ખાધેલી હાલતમાં લાશ મળી આવી હતી. જ્યારે ઘરમાં માતા લલિતાબેન (ઉ.વ. ૫૨) નહીં દેખાતા તપાસ કરતા મકાનના કમ્પાઉન્ડમાં ઝાડી નજીકથી લોહીલુહાણ હાલતમાં માતાની લાશ મળી આવી હતી.

એક સાથે માતા અને ભાઇની લાશ મળી આવતા જતીન હતપ્રભ બની ગયો હતો. ગામલોકોમાં પણ ભારે ચકચાર મચી ગઇ હતી. ઘટનાને પગલે પારડી પોલીસના કાફલાએ ઘટનાસ્થળ પર પહોંચી હાથ ધરેલી  તપાસમાં લોહીવાળું લાકડુ મળી આવ્યું હતું. પોલીસે જતીનનું નિવેદન લીધું હતું. માનસિક રીતે અસ્વસ્થ વિમલે સગી જનેતાની લાકડા વડે હુમલો કરી ઢીમ ઢાળી દીધા બાદ મકાનમાં છતના લોખંડના એંગલ સાથે ફાંસો ખાઇ આપઘાત કરી લીધો હોવાનું બહાર આવ્યું હતું.

(8:02 pm IST)
  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • ગુજરાત લેન્ડ ડેવલોપમેન્ટ કોર્પોરેશનના લાખોના ભ્રસ્ટાચાર કૌભાંડમાં ધરપકડ થયેલ 2 અધિકારી પરમાર અને વાઘેલાને અદાલતે 10 દિવસના રિમાન્ડ પર સોંપેલ છે access_time 10:50 pm IST

  • SBIની દશા ખરાબ : મૂલ્યવાન બેંકોના લીસ્ટમાં કોટક મહિન્દ્રા બેંક SBIથી આગળ : કોટક મહિન્દ્રા બેંકની પ્રગતિ : શેરબજારમાં પણ કોટકનો શેર બે ટકા ઉંચકાયો : ઉદય કોટકની નીતિઓ સફળ : કોટકની આગળ હવે માત્ર HDFC જ છે, બાકી બધા પાછળ access_time 12:50 pm IST