Gujarati News

Gujarati News

News of Monday, 16th April 2018

વાપીના કંપનીના મેનેજરના ફ્લેટમાંથી તસ્કરોએ 6 તોલા દાગીનાની ચોરી કરી

વાપી:વાપીના છરવાણ રોડ પર રહેતા કંપનીના મેનેજરના બંધ ફલેટમાંથી તસ્કરો હાથ ફેરો કરી રોકડા રૃ. ૭૦ હજાર, ૬ તોલા સોના દાગીના સહિત કુલ રૃા. ૧.૮૦ લાખ માલમત્તાની ચોરી થઈ હતી. પરિવાર ગઈકાલે મુંબઈ ગયું હતું. સીસીટીવીમાં બે થી ત્રણ તસ્કરોની હિલચાલ કેદ થઈ હતી.

વાપીના નાની તંબાડી સ્થિત ફલેકસીબલ પેકેજીંગ પ્રા.લિ. કંપનીમાં મેનેજર તરીકે ફરજ બજાવતાં બાલચંદ્ર કમારન નામ્બીયર છરવાડા રોડ પર આવેલી મમતા કો.ઓ.સોસાયટીમાં રહે છે. બાલચંદ્ર ગઈકાલે પરિવાર સાથે મુંબઈ ગયા હતા. રાત્રિ દરમિયાન તસ્કરો તેમના ફલેટના દરવાજાનો લોક તોડી અંદર ઘુસ્યા હતા. બેડરૃમમાં રહેલો કબાટ તોડી અંદર રહેલા રોકડા રૃ. ૭૦ હજાર, ૬ તોલા સોનાના દાગીના, આઈપેડ સહિત કુલ રૃા. ૧.૮૦ લાખના માલમત્તાની ચોરી કરી ભાગી ગયા હતા.

બાલચંદ્ર આજે પરત આવ્યો ત્યારે માલૂમ પડયું હતું. આ બનાવ અંગે જાણ કરતા વાપી ટાઉન પોલીસ ઘટના સ્થળે પહોંચી ગઈ હતી. સોસાયટીમાં લગાવેલા સીસીટીવીના ફુટેજ જોતા બે થી ત્રણ શખ્સોની હિલચાલ કેદ થઈ હતી. પોલીસે ફરિયાદના આધારે ચોરીનો ગુનો નોંધી ફુટેજના આધારે આરોપી સુધી પહોંચવા સઘન તપાસ શરૃ કરી છે.

(8:01 pm IST)
  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST

  • પશ્ચિમ બંગાળમાં જોરદાર આંધી :8ના મોત :કેટલાય ઘાયલ :બે અલગ અલગ જગ્યાએ દુર્ઘટના : મૃતકોમાં ચાર લોકો કોલકાતાના અને ચાર લોકો હાવડાના રહેવાશી access_time 1:35 am IST