Gujarati News

Gujarati News

News of Monday, 16th April 2018

મધરાત્રે વડોદરામાં પરિણીતાની એકલતાનો લાભ લઇ યુવાને છેડતી કરી

વડોદરા:આર્મિમાં ફરજ બજાવતા ભાઈને રેલવે સ્ટેશન પર છોડીને ઘરે પરત જઈ રહેલી યુવાન પરિણીતાને રોડ પર એકલી ઉભેલી જોતા જ ફતેગંજ ઈએમઈના જવાને યુવાન પરિણીતા પાસે બિભત્સ માગણી કરીને તેની છેડતી કરી હતી. પરિણીતાએ બુમરાણ મચાવતા જ નજીક ઉભેલા તેના ભાઈઓએ દોડી આવી ઈએમઈ જવાનને ઝડપી પાડી નવાપુરા પોલીસના હવાલે કર્યો હતો.

શહેરના મદનઝાંપા વિસ્તારમાં રહેતી ૩૧ વર્ષીય પરિણીતાનો ભાઈ કાશ્મીર રાજોરી ખાતે બીએસએફમાં ફરજ બજાવે છે. તાજેતરમાં તેનો ભાઈ રજામાં ઘરે આવ્યા બાદ ગઈ કાલે પાછો કાશ્મીરમાં ફરજ પર જતો હોઈ પરિણીતા તેના પરિવારના અન્ય સભ્યો સાથે ભાઈને રેલવે સ્ટેશન પર છોડવા માટે ગઈ હતી. ભારે હૈયે ભાઈને વિદાય આપીને પરિણીતા તેની એક્ટિવા પર તેના ભાઈઓ અને પરિવારજનો સાથે ઘરે પરત જવા માટે નીકળી હતી. તેઓ કીર્તિસ્તંભ પાસેથી પસાર થતા હતા તે સમયે પરિણીતાના પાછળ આવી રહેલા ભાઈની બાઈક બંધ પડી જતા પરિણીતા તેની રાહ જોવા માટે થોડેક આગળ ઉભી રહી હતી.
દરમિયાન રાત્રે એક વાગે તેને એકલી ઉભેલી જોતા ત્યાં બાઈક પર આવેલા ઈએમઈમાં ફરજ બજાવતો ૨૭ વર્ષીય પ્રકાશચંદ્ર બાનમાલી શેટ્ટી (મહેશ સોસાયટી,ફતેગંજ ફ્લાયઓવર બ્રીજની પાસે)ની દાનત પરિણીતા પર બગડી હતી. તેણે તુરંત પરિણીતા પાસે જઈને 'ચલ મેરે સાથ..સામને ગ્રાઉન્ડ મે આના હૈ' તેવી બિભત્સ માગણી કરીને અશ્લીલ ઈશારા કર્યા હતા. દરમિયાન અજાણ્યા યુવકે કરેલી અઘટિત માગણીઅને ઈશારાઓથી ગભરાયેલી પરિણીતાએ બુમરાણ મચાવતા નજીક ઉભેલા તેના ભાઈઓ તુરંત તેની પાસે દોડી ગયા હતા. પરિણીતાએ તેઓને પ્રકાશચંદ્રની કરતૂતની જાણ કરતા તેઓએ તેને તુરંત ઝડપી પાડયો હતો અને પોલીસ કન્ટ્રોલ રૃમમાં તેની જાણ કરી હતી.ઘટનાસ્થળે તુરંત પોલીસવાન આવી જતાં તમામને પોલીસ મથકમાં લઈ જવાયા હતા. આ બનાવની પરિણીતાની ફરિયાદના પગલે પોલીસે ઈએમઈ જવાન સામે ગુનો નોંધી તેની ધરપકડ કરી હતી. છેડતી કરનાર ઈએમઈ જવાન હાલમાં ફતેગંજ ખાતે ફરજ બજાવતો હોવાનું નવાપુરા પોલીસે જણાવ્યું હતું.
 

(8:01 pm IST)
  • કબરમાંથી સદ્દામનો મૃતદેહ ગાયબ : ઇરાકના પૂર્વ સતાધીશ સદ્દામ હુસૈનને અલ-અજવા ગામમાં દફનાવ્યા હતા : આજે ત્યાં કોઇ અવશેષ નથી : ૩૦ ડિસે. ર૦૦૬ના દિને દફત થયુ હતું : ઉલ્લેખનીય છે કે, શિયા સમુદાય અહીં સદ્દામનું સ્થાનક બને તેમ ઇચ્છતો ન હતો : ઝીન્યુઝીનો અહેવાલ access_time 11:22 am IST

  • અફઘાનીઓએ પાંચ પાક જવાનોને ફૂંકી માર્યા : અફઘાન સરહદે ઝપાઝપી : દુબાયેલી લોકોએ પાંચ સૈનિકોને મારીને એકનું અપહરણ કર્યુ : અફઘાન સરહદમાં ઘુસવું પાક.ને ભારે પડ્યું: બીબીસીનો અહેવાલ access_time 11:22 am IST

  • પ્રમોશન -બઢતીમાં દલિત/એસટી ક્વોટમાં માટે સરકાર સુપ્રીમ કોર્ટમાં જશે તેમ એક કેન્દ્રીય પ્રધાને કહ્યું છે access_time 10:50 pm IST