Gujarati News

Gujarati News

News of Monday, 16th April 2018

બનાસકાંઠાના મલસાણ ગામના પુર્વ દલીત મહિલા સરપંચના નામ સાથે ચેડાઃ પોલીસ તપાસનો ધમધમાટ

બનાસકાંઠાના મલસાણ ગામના પુર્વ દલીત મહિલા સરપંચના નામ સાથે ચેડાઃ પોલીસ તપાસનો ધમધમાટ

અમદાવાદઃ બનાસકાંઠા જીલ્‍લાના મલસાણ ગામના પુર્વ દલીત મહિલા સરપંચની નેઇમ પ્‍લેટમાં ચેડા કરાતા ભારે ચર્ચા જાગી છે. પોલીસે આ પ્રકરણમાં આરોપીઓને ઝડપી લેવા શોધખોળ શરૂ કરી છે.

ગામમાં રહેતા એક શખ્સે કહ્યું કે શુક્રવારે રાત્રે ગામની પ્રાથમિક શાળાનો ગેટ ખંડિત હાલતમાં મળી આવ્યો હતો.

નામ આપવાની શરતે એક ગ્રામજને કહ્યું કેપૂર્વ મહિલા દલિત સરપચ ગોમતી વેણની નેમ પ્લેટ લગાવવા મામલે સ્થાનિક દલિતો અને ચૌધરી કોમ્યુનિટિ વચ્ચે ટકરાવ થયો હતો, તેઓ દિલત મહિલા સરપંચનું નામ હટાવવા માગતા હતા.” ગોમતી વેણને જ્યારે મામલે ફોન કરવામાં આવ્યો ત્યારે તેમના પતિ જગશી વેણે ફોન ઉઠાવ્યો હતો અને મામલે કોઇપણ ચર્ચા કરવાની ના પાડી દીધી હતી. જગશી વેણે કહ્યું કે, “ગામમાં દલિત સમાજના 80 પરિવાર છે જ્યારે ચૌધરી સમાજના 300થી વધુ પરિવાર રહે છે. જેથી અમે તેમની વિરોધમાં બોલીએ તો તે અમારા બાળકો માટે નુકસાનકારક સાબિત થઇ શકે છે.”

સ્થાનિક એક્ટિવિસ્ટ બાબુ ભાટિયાએ કહ્યું કે, “પાંચ વર્ષ સુધી વેણ સરપંચ હતાં અને પાંચ વર્ષ બાદ ચૌધરી સમાજની મહિલા દ્વારા તેમને રિપ્લેસ કરવામાં આવ્યાં હતાં, જો કે ગામનો આખો વ્યવહાર સરપંચ તરીકે તેમના પતિ વનાભાઇ ચૌધરી સંભાળી રહ્યા છે. ઘટના બાદ સ્કૂલના પ્રિન્સિપાલે પોલીસનો સંપર્ક સાધ્યો અને મામલે તપાસ હાથ ધરવાની માગણી કરી છે.” પોલીસ ઇન્સ્પેક્ટર હરેન્દ્રસિંહ ભાટીએ ઘટના બની હોવાનું કન્ફર્મ કર્યું અને ટેક્નિકલ કારણ જણાવી કેસમાં તપાસ શરૂ નથી થઇ હોવાનું જણાવ્યું.

(7:34 pm IST)
  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST

  • મધ્યપ્રદેશમાં જાનૈયાને લઇ જતો મીની ટ્રક સોનનદીમાં 100 ફૂટ ઊંડે ખાબકતા 20ના મોત ;30 ઘાયલ :સીધી જિલ્લામાં દુર્ઘટના:સોનનદીના પુલનું ડિવાઈડર તોડીને ટ્રક ખાબક્યો :જિલ્લાના ઉચ્ચ અધિકારીઓ પહોંચ્યા :રાહત-બચાવકાર્ય શરૂ :મીની ટ્રક જિલ્લાના બાહરી થાણા ક્ષેત્ર અમેલિયા નજીક પુલ પરથી 100 ફૂટ ઊંડે પડ્યો :ગેસ કટરથી કાપીને ફસાયેલ લોકોને બહાર કાઢયા access_time 1:42 am IST

  • સલમાનની અરજી જોધપુરની સેશન્સ કોર્ટે કરી મંજૂર : 17 દિવસ માટે જઇ શકશે વિદેશ access_time 4:18 pm IST