News of Monday, 16th April 2018

એરીયર્સના મુદ્દે વિજ કર્મચારીઓ ૧લી મેના રોજ રાજ્યભરમાં દેખાવો - આંદોલન કરશે

અંબાજી ખાતે મળેલ મીટીંગમાં નિર્ણય : કર્મચારીઓને જાણ કરી દેવાઇ

રાજકોટ તા.૧૬: ગુજરાત રાજ્ય વિદ્યુત કામદાર સંઘ સાત ઝોનના કર્મચારીઓની એક બેઠક અંબાજીમાં યોજાઇ હતી. જેમાં કામદારોના એરિયસ જેવા પડતર પ્રશ્નોને લઇ કર્મચારીઓ નારાજગીનો સુર ઉઠ્યો હતો.  વીજ કામદારોના ૩૦ એપ્રિલ સુધીમાં પડતર પ્રશ્નોનો નિકાલ નહી આવે તો ૧લી મે ના મજદુર દિને આંદોલનની ચીમકી ઉચ્ચારાઇ છે. જેમાં રાજ્યભરમાં સર્કલો ઉપર દેખાવો કરી ગાંધી ચિધ્યા માર્ગે જી.ઈ.બી.ના કર્મચારીઓ કરશે આંદોલન તેવો નિર્ણય લેવાયો હતો.

 આ મુદ્દે આજે દરેક રાજ્ય કર્મચારીઓને જાણ કરી દેવાઇ હોવાનુૅ યુનિયન આગેવાનોએ ઉમેર્યુ છે.

 

(11:46 am IST)
  • કબરમાંથી સદ્દામનો મૃતદેહ ગાયબ : ઇરાકના પૂર્વ સતાધીશ સદ્દામ હુસૈનને અલ-અજવા ગામમાં દફનાવ્યા હતા : આજે ત્યાં કોઇ અવશેષ નથી : ૩૦ ડિસે. ર૦૦૬ના દિને દફત થયુ હતું : ઉલ્લેખનીય છે કે, શિયા સમુદાય અહીં સદ્દામનું સ્થાનક બને તેમ ઇચ્છતો ન હતો : ઝીન્યુઝીનો અહેવાલ access_time 11:22 am IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST