News of Monday, 16th April 2018

સુરતના ઉદ્યોગપતિ વસંતભાઈ ગજેરાની મુસીબતમાં થશે વધારો :ઇન્કમટેક્સ વિભાગ પણ તપાસમાં જુકાવે તેવી શકયતા

કોર્ટમાં અને ઇન્કમટેક્સ વિભાગમાં અલગ અલગ બેલેન્સશીટ રજૂ કરી :કોર્ટમાં દીવાલ ખર્ચ બતાવ્યો પણ આઇટીમાં બતાવ્યો જ નથી

સુરતઃ વેસુની કરોડોની જમીન પચાવી પાડવા માટે કોર્ટમાં ખોટા ડોક્યુમેન્ટ જમા કરાવવાના કેસમાં હાલ લાજપોર જેલમાં રહેલા ઉદ્યોગપતિ વસંતભાઈ  ગજેરાની મુસિબતમાં વધારો થઈ શકે છે તેમણે કોર્ટમાં અને ઇન્કમટેક્સ વિભાગમાં અલગ અલગ બેલેન્સશીટ રજૂ કરી છે. જેના કારણે ઇન્કમટેક્સ વિભાગ પણ તપાસમાં ઝુકાવે તેવી શકયતા છે

     વસંતભાઈ  ગજેરાએ વિવાદિત જમીન ફરતે દીવાલ બનાવવાનો ખર્ચ રૂ. 3 લાખ કોર્ટમાં રજૂ કરેલી બેલેન્સશીટમાં બતાવ્યો છે. જ્યારે ઇન્કમટેક્સ વિભાગમાં રજૂ કરેલી બેલેન્સશીટમાં ખર્ચ બતાવ્યો નથી. પરિણામે સમસ્યા સર્જાઈ છે.

   ઇન્કમ ટેક્સ વિભાગના એક અધિકારીનું કહેવું છે કે જો કોર્ટમાં રજૂ કરેલી બેલેન્સશીટને સાચી માનીએ તો વસંતભાઈ  ગજેરાએ ઇન્કમટેક્સ પાસે રૂ. 3 લાખની આવક છૂપાવી છે અને જો ઇન્કમટેક્સમાં રજૂ કરેલી બેલેન્સશીટ સાચી માનીએ તો કોર્ટને ગેરમાર્ગે દોરવાની વાત છે. રીતે વસંતભાઈ ગજેરા સામે ઇન્કમટેક્સ વિભાગ પણ તપાસ શરૂ કરશે. એક સીએના કહેવા અનુસાર બેલેન્સશીટમાં જો કોઈ વસ્તુ છુપાવવામાં આવે તો વીલ ફુલ ટેક્સ ઇવેઝન હેઠળ કાર્યવાહી થઈ શકે છે.

(7:58 pm IST)
  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • અમદાવાદ:રાજ્યના પુર્વ ઇન્ચાર્જ DGP પી.પી.પાન્ડેની પાસપોર્ટ પરત આપવાની અરજી CBI કોર્ટે માન્ય રાખી: CBI કોર્ટે 2 મહિના માટે પાન્ડેને પાસપોર્ટ પરત કરવા કર્યો આદેશ: પી.પી.પાન્ડેએ USA જવા માટે પરત માગ્યો હતો પાસપોર્ટ access_time 1:28 am IST