Gujarati News

વડોદરા:શહેરના મકરપુરા વિસ્તારમાં રહેતી 27 વર્ષીય યુવતીના લગ્ન વર્ષ 2018 દરમિયાન સમાજના રીતરિવાજ મુજબ મુકેશભાઈ નટુભાઈ વાઘેલા( રહે-  શિવ દર્શન સોસાયટી, લક્ષ્મીપુરા રોડ ,ગોરવા ,વડોદરા) સાથે થયા થયા હતા. 

પોલીસ ફરિયાદમાં યુવતીએ જણાવ્યું હતું કે લગ્ન બાદ મારા પતિ સારી રીતે રહેતા હતા પરંતુ સાસુ-સસરાની ચડામણીથી ઘર કંકાસ ઉભો થયો હતો અને જણાવતા હતા કે " તારા પિયરમાંથી દહેજ માં તું કઈ લાવી નથી. અમારા છોકરા માટે ઘણા સારા માંગા આવતા હતા અને દહેજમાં 15 લાખ રૂપિયા આપવા તૈયાર હતા તેમ છતાં તારી સાથે લગ્ન કરાવ્યા છે તું તારા બા પાસેથી મારા છોકરા માટે 5 લાખ લઇ આવ". તેમ કહી અવારનવાર શારીરિક અને માનસિક ત્રાસ આપી સાસરિયાઓ મારઝુડ કરતા હતા તેમજ જેઠ બદદાનત રાખતો હતો. મારા પતિએ મને ઘરમાંથી કાઢી મુકી જણાવ્યું હતું કે તારા બાપના ઘરેથી રૂપિયા 5 લાખ લઈ આવ તો જ તને ઘરમાં પ્રવેશવા દઈશ.