Gujarati News

Gujarati News

News of Wednesday, 17th February 2021

પાટણના હારીજ તાલુકાના રોડા ગામે વરઘોડે ચડેલા વરરાજાને લઇને ઘોડી ભાગી ગઇઃ જાનૈયાઓ પાછળ દોડયાઃ ઘોડી ઉપરથી પડતા વરરાજાને ઇજા

પાટણ: પાટણના હારીજ તાલુકાના રોડા ગામે અજીબ બનાવ્યો છે. વરઘોડે ચઢેલા વરરાજાને લઈને ઘોડી ભાગી છૂટ્યો હતો. ત્યારે જાનૈયાઓમાં જોવા જેવી થઈ હતી. હાલ સોશિયલ મીડિયા પર આ વીડિયો વાયરલ થયો છે.

બન્યું એમ હતું કે, હારીજ તાલુકાના રોડ ગામે એક યુવકના લગ્નની જાન નીકળી હતી. તમામ જાનૈયાઓ નાચવામાં મશગૂલ હતા. આવામાં વરરાજા જે ઘોડી પર બેસ્યા હતા, તે ઘોડી બેકાબૂ બની હતી. શરૂઆતમાં તે ઘોડીના માલિકથી પણ સચવાઈ ન હતી. માંડ માંડ કાબૂમાં આવી હતી. પરંતુ આ વચ્ચે જ જાનૈયાઓ નાચી રહ્યા હતા ત્યાં ઘોડી વરરાજાને લઈને ભાગી ગઈ હતી. ત્યારે સમગ્ર ઘટના જોવા જેવી થઈ હતી. જાનૈયાઓ નાચવાનું છોડીને ઘોડીને પકડવા દોડ્યા હતા. ઘોડી વરરાજાને લઈને દૂર સુધી ભાગી હતી. આ ઘટનામાં જાનૈયાઓના જીવ ઉંચા થઈ ગયા હતા. પણ વરરાજા હેમખેમ પાછા આવતા પરિવારજનોએ રાહતનો શ્વાસ લીધો હતો.

વરરાજાને લઈને ભાગતા ઘોડીવાળો વીડિયો વાયરલ થયો છે. વરરાજાને બચાવવા અનેક લોકો ઘોડી પાછળ ભાગ્યા હતા. જોકે, ઘોડી પરથી પટકાતા વરરાજાને સામાન્ય ઇજા પહોંચી હતી. જોકે, સોશિયલ મીડિયા પર વરરાજાની ફજેતી વાયરલ થઈ હતી. વીડિયો હાસ્યાસ્પદ બન્યો છે.

(5:13 pm IST)
  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST

  • એમ.જે. અકબરનો બદનક્ષીનો કેસ અદાલતે ફગાવી દીધો : પ્રિયા રામાણીને છોડી મૂકવા આદેશ : દિલ્હીની અદાલતે સુપ્રસિદ્ધ પત્રકાર એમ.જે. અકબરે મહિલા પત્રકાર પ્રિયા રામાણી વિરૂદ્ધ કરેલ બદનક્ષી કેસમાં પ્રિયા રામાણીને નિર્દોષ છોડી મૂકવાનો હુકમ કર્યો છે : ન્યાયાધીશ રવિન્દ્રકુમાર પાંડેએ કહયુ હતું કે અકબર દ્વારા કરવામાં આવેલ ફરીયાદ પુરવાર થતી નથી અને એક મહિલાને દાયકાઓ પછી પણ પોતાને થયેલ અન્યાય અંગે રજૂઆત કરવા પૂરો અધિકાર છે : અદાલતે ભરચક્ક કોર્ટ રૂમમાં ચુકાદો આપતા કહેલ કે સ્વાભિમાનના હક્કની કિંમતે પ્રતિષ્ઠાના હક્કનું રક્ષણ કરી શકાય નહિં access_time 4:40 pm IST

  • અપડેટ : સુપ્રીમ કોર્ટના અધિકારીઓએ સ્પષ્ટતા કરી હતી કે રાજદીપ સરદેસાઈ વિરુદ્ધ કોઈ પણ અવમાનનાની કાર્યવાહી શરૂ કરવામાં આવી નથી અને આ મામલે થયેલી ભૂલ ટૂંક સમયમાં સુધારી દેવામાં આવશે. access_time 12:21 am IST