Gujarati News

Gujarati News

News of Wednesday, 17th February 2021

વડોદરામાં કોંગ્રેસે તેના ઘોષણાપત્રમાં ડેટીંગ સેન્‍ટર બનાવવા કહ્યું : ભાજપે કહ્યું જેવા સંસ્‍કાર તેવો ઢંઢેરો

 

વડોદરા : કોંગ્રેસે તેના ઘોક્ષણાપત્રમાં યુવાનો માટે ડેટીંગ સેન્ટર બનાવવા કહ્યું આથી ભાજપે કટાક્ષ કરતા કહ્યુ છે કે જેવા સંસ્કાર તેવો ઢંઢરો વિસ્તૃત વિગતો જોઇઅે તો  સ્થાનિક સ્વરાજની ચૂંટણી પહેલા શહેર કોંગ્રેસ દ્વારા જે ચૂંટણી ઢંઢેરો જાહેર કરવામાં આવ્યો છે, તેને લઈને ભાજપે કટાક્ષમાં કહ્યું છે કે જેવા સંસ્કાર તેવો જ ઢંઢેરો જાહેર કરવામાં આવ્યો છે. મહત્વનું છે કે આ વિવાદ એટલે વધ્યો છે કેમ કે કોંગ્રેસે પોતાના ઘોષણા પત્રમાં આપણું વડોદરા, આઇકોનિક વડોદરાના સ્લોગન સાથે એક ડેટ ડેસ્ટિનેશન સેન્ટર બનાવવાનું વચન આપ્યું છે.

મહત્વનું છે કે વડોદરાને ગુજરાતની સંસ્કાર નગરી પણ કહેવામાં આવે છે, અને જો કે આ સંસ્કાર નગરીમાં કોંગ્રેસે ચૂંટણી ઢંઢેરામાં શહેરના યુવાનો માટે ડેટિંગ ડેસ્ટિનેશન સેન્ટર બનાવવાનો વાયદો કર્યો છે, અને આ જ વાતને લઈને ભાજપે એવો કટાક્ષ કર્યો છે કે કોંગ્રેસના જેવા સંસ્કાર છે એવો જ ઢંઢેરો આપવામાં આવ્યો છે.

વડોદરા કોંગ્રેસ પ્રમુખ પ્રશાંત પટેલનું કહેવું છે કે યુવા વર્ગને પણ જીવન જીવવાનો અધિકાર છે, જે કેફે સેન્ટર છે તેને સરકારે બંધ કરી દીધા છે અને આમ પણ અમીર છોકરાઓ જ કેફે સેન્ટરમાં જઈ શકતા હોય છે, ગરીબ અને મધ્યમ વર્ગના છોકરાઓ ક્યાં જાય? આને ધ્યાનમાં રાખીને જ અમે સરકારમાં આવીને એવી વ્યવસ્થા કરીશું કે જ્યાં તે શાંતિથી બેસી શકે.

વડોદરામાં ભાજપના પૂર્વ મેયર ભરત ડાંગાએ કહ્યું હતું કે કોંગ્રેસના જેવા સંસ્કાર છે તેવો જ ઢંઢેરો છે, વડોદરાને સંસ્કાર નગરી કહે છે, અહીં ભાજપે બાગ બગીચા લોકો અને બાળકોને રમત અને ફિટનેસ માટે બનાવ્યા છે, હું માનું છું કે કોંગ્રેસે આ વાયદો રાહુલ ગાંધીના કહેવા પર જાહેર કર્યો હશે.

વડોદરામાં ભાજપ અને કોંગ્રેસ વચ્ચે સીધો જંગ છે, ભાજપ અહીં બધી સીટો એટલે કે મિશન 76ની સાથે મેદાનમાં ઉતરી છે અને કોંગ્રેસના મેનિફેસ્ટોમાં બનો કોંગ્રેસના સપોર્ટર, ચુનો કામના કોર્પોરેટર' ની થીમ આપી છે, આમ બંને પક્ષો વચ્ચે આ વખતે સીધી લડાઈ છે.

(9:17 am IST)
  • ફ્રાન્સના સંસદના નીચલા ગૃહમાં મંગળવારે કટ્ટરવાદીઓ અને 'ઇસ્લામિક કટ્ટરવાદ' સામે લડવાના કાયદાને મંજૂરી આપવામાં આવી છે : આ કાયદા થકી સરકાર ફ્રાંસની બિનસાંપ્રદાયિક પરંપરાઓને નબળી પાડવાનો પ્રયાસ કરનાર ધાર્મિક જૂથો પર લગામ કસસે access_time 12:21 am IST

  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST

  • પંજાબ મ્યુનિ.ચૂંટણીઓમાં કોંગ્રેસ અને અકાલીદળ આગળ : આમ આદમી પાર્ટી પણ અમુક જગ્યાએ લીડમાં : ભાજપને ખેડૂત આંદોલન નડ્યું : ભાજપના મહારથીઓ હાર્યા : અનેક શહેરોના વોર્ડમાં ઓછી સીટ મળી : કોંગ્રેસ અને અકાલી દળના વિજેતા ઉમેદવારોના વિજય સરઘસ શરૂ access_time 12:35 pm IST