Gujarati News

Gujarati News

News of Sunday, 17th January 2021

ન્યારી-ર જળાશયમાંથી પાણીનો ર૦૦ MCFT જથ્થો ખેડૂતોને સિંચાઇ માટે ફાળવાશે

મેટોડા -સરપદડ-બોડીઘોડી ગામોના કમાન્ડ વિસ્તાર બહારના ધરતીપુત્રોની વર્ષો જુની સિંચાઇ સમસ્યાનું નિવારણ લાવતા વિજયભાઇ રૂપાણી: ન્યારી-ર સિંચાઇ યોજનાના પાણીનો સિંચાઇ લાભ વધુ ૧પ૭ હેકટર વિસ્તારને મળશે

અમદાવાદ : મુખ્યમંત્રી વિજયભાઇ રૂપાણીએ નિર્ણાયક નેતૃત્વના આગવા અભિગમની પ્રતીતિ કરાવતાં રાજકોટ જિલ્લાની ન્યારી-ર સિંચાઇ યોજનાના પાણીનો લાભ સિંચાઇ માટે વધુ ૧પ૭ હેકટર વિસ્તારને આપવાનો કિસાન હિતકારી નિર્ણય કર્યો છે

   મુખ્યમંત્રીના આ નિર્ણયને પરિણામે રાજકોટ જિલ્લાના મેટોડા, સરપદડ અને બોડીઘોડી ગામોના ન્યારી યોજનાના કમાન્ડ વિસ્તાર બહારના જે ખેડૂતપુત્રો સિંચાઇ પાણીથી વંચિત રહી ગયેલા છે તેમને હવે ન્યારી-ર ના પાણીનો ર૦૦ એમ.સી.એફ.ટી જેટલો પાણીનો જથ્થો સિંચાઇ સુવિધા માટે ઉપલબ્ધ થશે.
મુખ્યમંત્રી વિજયભાઇ રૂપાણીએ આ વિસ્તારના કિસાનોની સિંચાઇ માટેના પાણીની વર્ષોજૂની સમસ્યાનું નિવારણ લાવતાં ન્યારી-ર જળાશયમાં રાજકોટ મહાનગર પાલિકા માટે અનામત રાખવામાં આવતો ર૦૦ એમ.સી.એફ.ટી જથ્થો હવે, ખેડૂતોને સિંચાઇ માટે પૂરતું પાણી મળે તે માટે આપવાનો સંવેદનાસ્પર્શી નિર્ણય કર્યો છે.
   અત્રે એ નિર્દેશ કરવો જરૂરી છે કે રાજકોટ જિલ્લાના પડધરી તાલુકાના રંગપર પાસે ૧૯૮૬માં ન્યારી નદી પર નિર્માણ થયેલ આ ન્યારી-ર યોજનાની કુલ સંગ્રહશક્તિ ૪૩ર મીલીયન ઘનફૂટ છે અને કેનાલો મારફતે ૧૩૯૦ હેકટર વિસ્તારમાં સિંચાઇનું આયોજન કરવામાં આવેલું છે.
   પ્રવર્તમાન સ્થિતીએ ન્યારી-ર સિંચાઇ યોજનાના કમાન્ડ વિસ્તારના મેટોડા, રંગપર, સરપદડ, બોડીઘોડી, પાટી-રામપર તથા વણપરીના કુલ છ ગામોના ૧૦૯પ હેકટર વિસ્તારને સિંચાઇ લાભ પ્રાપ્ત થાય છે.
   મુખ્યમંત્રીવિજયભાઇ રૂપાણીએ હવે વધુ ૧પ૭ હેકટર વિસ્તારને ન્યારી-ર સિંચાઇ યોજનામાંથી સિંચાઇ માટે પાણી આપવાના કરેલા સંવેદનાસ્પર્શી નિર્ણયથી ખેડૂતોના ખેત ઉત્પાદનમાં વૃદ્ધિ થશે અને રાષ્ટ્રીય ઉત્પાદનમાં વધારો થવાથી કિસાનોની આવક બમણી કરવાનો ઉમદા હેતુ પાર પડશે. 

(5:49 pm IST)
  • પ્રજાસત્તાક દિવસે આઉટર દિલ્હી રીંગ રોડ ઉપર ખેડૂતો પરેડ કરશે : પોણા બે મહિનાથી કૃષિ કાનૂનોના વિરોધમાં આંદોલન ચાલવી રહેલા આંદોલનકારી ખેડૂતો ૨૬ જાન્યુઆરીએ દિલ્હી આઉટર રિંગ રોડ પર કરશે પરેડ: કિસાન નેતાઓની જાહેરાત access_time 8:33 pm IST

  • વિશ્વભરમાં કોરોનાનો હાહાકાર યથાવત ચાલુ : અમેરિકાને કોરોના સતત નચાવે છે: આજે સવાર સુધીમાં બે લાખથી ઉપર કેસ નોંધાયા : અમેરિકામાં પોઝિટિવિટી રેટ ૧૦.૭ ટકા, સવા લાખ કોરોના દર્દીઓ હોસ્પિટલમાં, ૨૩ હજારથી વધુ આઈસીયુમાં અને ૨૪ કલાકમાં લગભગ ૩૭૦૦ નવા મૃત્યુ થયા છે : અત્યાર સુધીમાં ૧.૩૭ કરોડ લોકોને કોરોના સામે રક્ષણ આપતી રસી અપાઇ ચૂકી છે: બ્રાઝિલમાં સવાર સુધીમાં નવા ૬૨ હજાર, ઇગ્લેન્ડમાં ૪૧ હજાર, રશિયામાં ૨૪ હજાર, ફ્રાન્સમાં ૨૧ હજાર, ઇટાલીમાં ૧૬ હજાર અને ભારતમાં નવા કોરોના કેસ ૧૫,૧૪૪ નોંધાયા છે: આ ઉપરાંત જર્મનીમાં ૧૪ હજારથી વધુ, ઈઝરાયેલમાં ૮ હજારથી વધુ અને જાપાન- કેનેડામાં છ હજારની આસપાસ નવા કેસ નોંધાણા: યુનાઇટેડ આરબ અમીરાતમાં પણ ૨૪ કલાકમાં ૩૪૦૦થી વધુ કોરોના કેસ નોંધાયા છે: ભારતમાં આજે 181 નવા કેસ નોંધાયા છે જ્યારે ૧૫,૧૪૪ નવા કેસો સામે ૧૭ હજારથી પણ વધુ લોકો સાજા થયા છે. access_time 3:30 pm IST

  • આજે દિલ્હીમાં કોરોના રસીકરણ બાદ આડઅસરોના કુલ 52 કેસ નોંધાયા છે, જેમાં 51 કિસ્સાઓમાં સામાન્ય આડઅસર સામે આવી છે જ્યારે 1 ગંભીર કેસ સામે આવ્યો છે તેમ દિલ્હી સરકારે જાહેર કર્યું છે. access_time 11:03 pm IST