Gujarati News

Gujarati News

News of Saturday, 16th January 2021

ચીખલીના સિયાદામાં બે મૃત કાગડા બર્ડ ફ્લુ પોઝિટિવ : એક કિલોમીટરની ત્રિજ્યામાં અવર-જવર પર પ્રતિબંધ

ચીખલી: સિયાદા ગામે હરીશભાઈ નારણભાઈ પટેલ ના સરૂના ખેતરમાં મળી આવેલ મૃત કાગડાઓ પૈકી બે ના સેમ્પલ બર્ડફ્લુ પોઝિટિવ આવતા  સિયાદા ગામે ફડવેલ પીએચસીના ડો.સુમિત પટેલ, નાયબ પશુપાલન નિયામક ડો.ડી.બી.ઠાકોર,પશુ ચિકિત્સક ડો.કલ્પેશ પટેલ ડો.યોગેશ પટેલ સહિતની ટીમ દ્વારા મુલાકાત લઇ આજુબાજુના એક કિલોમીટરની ત્રિજ્યા વિસ્તારમાં વિવિધ પ્રતિબંધ ફરમાવી દેવામાં આવ્યો છે.અને સિયાદા સાથે ખુડવેલ ,ફડવેલ, કણભઇ સહિતના ગામોમાં ફરી સર્વેની કામગીરી કરી મરઘા ફાર્મ,બેકયાર્ડ પોલ્ટ્રીમા હયાત પક્ષીઓ,બહારથી આવતા પક્ષીઓમા બીમારીના લક્ષણો,એક સાથે ઘણા બધા પક્ષીઓનું મરણ થાય તેવા કિસ્સામાં તાલુકા પશુચિકિત્સક ને જાણ કરવા,મરણ થયેલ પક્ષીઓને સાત થી આઠ ફૂટનો ખાડો ખોદી તેમાં ચૂનો અને મીઠું નાંખી માટીથી દાટી દેવા જેવી સૂચનાઓ આપવામાં આવી હતી.મરઘીનું માસ યોગ્ય રીતે શેકીને-પકવીને ખાવા,પોલ્ટ્રી ફાર્મ કામ કર્યા બાદ હાથને ગરમ પાણી અને સાબુથી વારંવાર ધોવા સહિતની સલાહ આપવામાં આવી હતી.

(12:46 am IST)
  • સવા બે લાખ લોકોને કોરોના વેક્સિન અપાઈ દેશમાં અત્યાર સુધીમાં 2,24,301 લોકોને વેક્સિન આપવામાં આવીઃ સ્વાસ્થ્ય મંત્રાલય access_time 8:29 pm IST

  • દેશમાં કોરોના હાંફી ગયો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,948 કેસ નોંધાયા :કુલ કેસની સંખ્યા 1,05, ,71,658 થઇ :એક્ટિવ કેસ 2,05,573 થયા: વધુ 13,164 દર્દીઓ સ્વસ્થ થતા કુલ 1,02,09,048 થયા :વધુ 136 લોકોના મોત સાથે કુલ મૃત્યુઆંક 1,52,447 થયા access_time 11:58 pm IST

  • ગુજરાતમાં ભારતની પ્રથમ લિથિયમ રિફાઇનરી 1000 કરોડના રોકાણ સાથે સ્થાપવામાં આવશે : મણિકરણ પાવર લિમિટેડ દ્વારા ઓસ્ટ્રેલિયાથી આયાત કરાયેલ લીથીયમ ઓર ને પ્રોસેસ કરીને બનાવાશે બેટરી ગ્રેડનું લીથીયમ access_time 11:09 pm IST