Gujarati News

અમદાવાદઃ શુક્રવારે શહેર પોલીસના સ્પેશિયલ ઓપરેશન ગ્રુપની (SOG)ટીમે એક કુખ્યાત બુટલેગર અકબરઅલી અલિયાસ ઝુબેરઅલી અલિયાસ કાલુ સૈયદની ધરપકડ કરી છે. આ બુટલેગર પાલડી વિસ્તારનો રહીશ છે. ડ્રાય સ્ટેટ ગુજરાતમાં સૈયદ સીરિયલ બુટલેગર છે જે લિકર પ્રેમીઓને દારૂની સપ્લાય કરવાનું બંધ નથી કરી રહ્યો.

અત્યાર સુધી 25 વખત પકડાયો

પોલીસના જણાવ્યા મુજબ સૈયદ પાલડીની પોશ એવી પાર્ક રિજન્સી સોસાયટીમાં રહે અને શુક્રવારે તેની ધરપકડ થઈ આ પહેલા તે અન્ય પોલીસ સ્ટેશન અને જુદી જુદી એજન્સીઓ દ્વારા 25 વખત પકડાઈ ચૂક્યો છે. આ ઉપરાંત તેની વિરુદ્ધ બગોદરા, દાણીલિમડા, બાવળા, શહેરકોટડા, સરખેજ, ખોખરા, કઠલાલ અને આણંદ શહેરના પોલીસ સ્ટેશનમાં 14 જેટલા નશાબંધીના કેસો નોંધાયેલા છે.

બુટલેગરોના લિસ્ટમાં હતો મોસ્ટ વોન્ટેડ આરોપી

SOGના એસીપી બી.સી સોલંકીએ જણાવ્યું કે, સૈયદ ભારતમાં બનેલા વિદેશી દારૂની હેરફેરના 39 જેટલા કેસોમાં સંડોવાયેલો છે. બગોદરામાં GDP વિજિલન્સ સ્ક્વોડ દ્વારા તેના દારૂના અડ્ડા પર દરોડા પાડતા મોટા પ્રમાણમાં ભારતમાં બનેલો વિદેશી દારૂનો જથ્થો મળી આવ્યો હતો, જે બાદ તેની ધરપકડ કરવામાં આવી. રેડઈ દરમિયાન તે ઝડપાયો નહોતો, તે રાજ્યમાં દારૂની હેરફેર કરનારા મુખ્ય બુટલેગરોમાંથી એક છે. DGPની ઓફિસમાં બુટલેગરોની લિસ્ટમાં તેનું નામ મોસ્ટ વોન્ટેડમાં છે. અમે સમગ્ર રાજ્યના પોલીસ સ્ટેશનને તે કોઈ અન્ય કેસમાં સંડોવાયેલો છે કે નહીં તે જોવા માટે મેસેજ આપ્યો છે.

અન્ય રાજ્યોમાં ધરાવતો નેટવર્ક

SOGના કેટલાક સૂત્રોએ જણાવ્યું કે, સૈયદને રાજસ્થાન, પંજાબ, હરિયાણા અને મહારાષ્ટ્ર જેવા રાજ્યોમાં નેટવર્ક ધરાવે છે. તે મોટી સંખ્યામાં દારૂને હેરફેર કરતો હતો અને અન્ય નાના બુટલેગરો સુધી તેને પહોંચાડતો હતો. હાલમાં સૈયદ પાસેથી આ બુટલેગરના ધંધામાં સંડોવાયેલા અન્ય લોકોના નામ જાણવા પ્રયાસ કરાઈ રહ્યા છે.

જામીન મળ્યા બાદ ફરીથી દારૂનું કામ શરૂ

સીનિયર પોલીસ અધિકારીએ જણાવ્યું કે, સૈયદ એવો ગુનેગાર છે, જે રાજ્યમાં દારૂબંધી હોવા છતાં સરળતાથી વધારે પૈસા મળતા હોવાથી સતત આ ધંધામાં પહોંચી જાય છે. મોટાભાગના આરોપીઓને જામીન મળી જાય છે અને તેઓ ફરીથી બુટલેગિંગના ધંધામાં પાછા જતા રહે છે.