Gujarati News

Gujarati News

News of Friday, 16th November 2018

અમદાવાદ-ઇન્દોર હાઇવે પર કાર પિલર સાથે અથડાતા ગમખ્વાર અકસ્માત: ત્રણને ગંભીર ઇજા

અમદાવાદ:અમદાવાદ-ઈન્દોર હાઈવે ઉપર આવેલા કઠાણા નજીક સ્વીફ્ટ કાર પીલર સાથે અથડાઈ પલટી ખાઈને ગટરમાં પડતા ત્રણને વત્તા ઓછા પ્રમાણમાં ઈજાઓ થવા પામી હતી. 
મધ્યપ્રદેશના સિંહોર જિલ્લાના આંગોલીમાં રહેતા ભૈયાલાલ પદમસીંગ ધનગર ગત તા. ૧૩-૧૧-૨૦૧૮ના રોજ સ્વીફ્ટ ગાડી નં. એમપી ૦૪ સીજે ૫૪૭૫માં પરિવારજનોની સાથે જઈ રહ્યા હતા. આ ગાડી અમદાવાદ - ઈન્દોર હાઈવે ઉપરથી પસાર થતી હતી ત્યારે કઠલાલ તાલુકાના કઠાણા પીકઅપ સ્ટેન્ડ નજીક ગાડીના ચાલકે સ્ટીયરીંગ પરનો કાબૂ ગુમાવતા ગાડી રોડની સાઈડમાં આવેલ પીલર તથા નાના પીલર સાથે અથડાઈ રોડની સાઈડમાં આવેલ ગટરમાં પલટી ખાઈ ગઈ હતી. જેથી ગાડીનો ભુક્કો બોલાઈ ગયો હતો. આ ગાડી પલટી ખાતા તેમાં બેઠેલા ભૈયાલાલ ધીનગર (ઉંમર ૪૬ વર્ષ)ને છાતીમાં, હાથે, ડાબા પગે તેમજ મોઢાના ભાગે ઈજા થઈ હતી. જ્યારે અજાતાબેન તથા સચિનને શરીર ઉપર ઈજા થઈ હતી. 
આ બનાવ અંગે ભૈયાલાલ પદમસીંગ ધનપરની ફરિયાદ આધારે કઠલાલ પોલીસે ગુનો નોંધી કાયદેસર કાર્યવાહી હાથ ધરી હતી.

 

 

(6:19 pm IST)
  • ઉપલેટા ટ્રેન હડફેટે આવી જતા અજાણ્યા વૃદ્ધનું મોત:ઉપલેટાના ડુમીયાણી ગામ અને સુપેડી ગામ વચ્ચેનો બનાવ: ૭૦ વર્ષીય આસપાસની ઉંમરના લાગતા અને ચોરણી-કડિયું પહેરેલ અજાણ્યા વૃદ્ધનું ટ્રેન અકસ્માતમાં મોત:રેલવે સ્ટાફ દ્વારા ઉપલેટા રેલવે સ્ટેશને મૃતદેહ લઈ આવ્યા બાદ PM માટે ઉપલેટા કોટેજ હોસ્પિટલ ખાતે ખસેડાયો: પોલીસ દ્વારા તપાસ ચાલુ access_time 12:21 am IST

  • અમદાવાદ :260 કરોડ ફ્રોડનો મામલો : વિનય શાહના કોટક બેંક સહિત અનેક બેંક એકાઉન્ટ અંગે CID ને મળી માહિતી: પૂર્વ કર્મચારી પૂજા શાહની પણ CID ક્રાઈમે કરી પૂછપરછ: વિનય શાહના ઘરે સર્ચમાં દરમ્યાન લોટના ડબ્બામાં,ફર્નિચર,બેડ અને કબાટમાં સંતાડેલા હતા રૂપિયા access_time 11:13 pm IST

  • મુસ્લિમો પર અત્યાચાર મામલે ચીનને ઘેરવા ૧૫ દેશોના રાજદૂતોની યોજના : કેનેડાની આગેવાનીમાં ચીનમાં ૧૫ દેશોના દૂતાવાસોએ ૧૦ લાખથી વધુ મુસ્લિમોને અટકાયતમાં રાખવા મામલે સરકારને પત્ર મોકલવાની યોજના ઘડી, શિનજિયાંગમાં ઉઈઘર મુસ્લિમો પર થતાં અત્યાચારના સંયુકત રાષ્ટ્રના અહેવાલ બાદ વિવિધ દેશોના રાજદૂતો ચીનથી ખફા access_time 3:18 pm IST