Gujarati News

Gujarati News

News of Friday, 16th November 2018

આણંદના સારસામાં તસ્કરોએ બંધ મકાનના તાળા તોડ્યા:1.42 લાખની મતાનીઉઠાંતરી

આણંદ: તાલુકાના સારસા ગામે આવેલી કેવલ સોસાયટીમાં ગત ૧૩મી તારીખના રોજ રાત્રીના સુમારે ત્રાટકેલા કેટલાક તસ્કરોએ એક વિધવાના બંધ મકાનના નકુચા તોડીને અંદરથી ૧.૪૨ લાખની મત્તાની ચોરી કરીને ફરાર થઈ જતાં આ અંગે ખંભોળજ પોલીસે ગુનો દાખલ કરીને ડોગ સ્ક્વોડ તથા એફએસએલની મદદથી તપાસ હાથ ઘરી છે. 

ચોરીની મળતી વિગતો અનુસાર ફરિયાદી કમળાબેન નટુભાઈ પટેલ સારસા ગામની કેવલ સોસાયટીના ૧૮ નંબરના મકાનમાં રહે છે. હાલમાં તેઓ એકલા જ હોય ગત ૯મી તારીખના રોજ આણંદના મંગળપુરા ખાતે રહેતી પોતાની પુત્રીને ત્યાં મકાનને તાળુ મારીને ગયા હતા. દરમ્યાન ગત ૧૩મી તારીખના રોજ કેટલાક તસ્કરો ત્રાટક્યા હતા અને મુખ્ય દરવાજાનો નકુચો તોડીને અંદર ઘુસ્યા હતા. ત્યારબાદ અંદરના ખંડના દરવાજાનો પણ નકુચો તોડીને તિજોરી તેમજ કબાટો તોડી નાંખ્યા હતા અને અંદર મુકેલા સોનાના ચાર તોલા દાગીના કે જેમાં ૪ બુટ્ટીઓ, ૨ સોનાના દોરા, ચાંદીના ૫૦૦ ગ્રામ વજનના સિક્કા, રોકડા ૨૭ હજાર મળીને કુલ ૧.૪૨ લાખની મત્તાની ચોરી કરીને ફરાર થઈ ગયા હતા. 

પડોશી દ્વારા કમળાબેનને તેમના ઘરમાં ચોરી થયાની જાણ થતાં જ તેઓ તુરંત જ સારસા પહોંચી ગયા હતા અને તપાસ કરતા ઉક્ત મત્તાની ચોરી થવા પામી હતી. જેથી તુરંત જ ખંભોળજ પોલીસને જાણ કરી હતી.

(6:16 pm IST)
  • અમેરીકાએ સાઉદી પત્રકાર જમાલ ખાશોગીની હત્યામાં ભૂમિકા ભજવનાર ૧૭ સાઉદી અધિકારીઓ ઉપર આર્થિક પ્રતિબંધ લાઘ્યો સાઉદી અરબના પબ્લીક પ્રોશીકયુટરે આ મામલે ૫ સાઉદી અધિકારીઓને મોતની સજા આપવાની માંગણી કરી access_time 12:17 pm IST

  • સાયલાનાં વાટાવચ્છ ગામનાં નર્સની હત્યા કરનાર શાંતુ કાઠી ર દિવસના રિમાન્ડ ઉપર : ફાંસીની સજા આપવા કોળી સમાજના આગેવાનોની માંગણી access_time 3:07 pm IST

  • ઉપલેટા ટ્રેન હડફેટે આવી જતા અજાણ્યા વૃદ્ધનું મોત:ઉપલેટાના ડુમીયાણી ગામ અને સુપેડી ગામ વચ્ચેનો બનાવ: ૭૦ વર્ષીય આસપાસની ઉંમરના લાગતા અને ચોરણી-કડિયું પહેરેલ અજાણ્યા વૃદ્ધનું ટ્રેન અકસ્માતમાં મોત:રેલવે સ્ટાફ દ્વારા ઉપલેટા રેલવે સ્ટેશને મૃતદેહ લઈ આવ્યા બાદ PM માટે ઉપલેટા કોટેજ હોસ્પિટલ ખાતે ખસેડાયો: પોલીસ દ્વારા તપાસ ચાલુ access_time 12:21 am IST