Gujarati News

Gujarati News

News of Friday, 16th November 2018

સાબરમતી સેન્ટ્રલ જેલમાંથી માતાજીના ફોટાની પાછળથી બે મોબાઈલ મળી આવ્યા: ચાર આરોપી વિરુદ્ધ ગુનો દાખલ

અમદાવાદ:સાબરમતી સેન્ટ્રલ જેલમાંથી બે મોબાઈલ, ચાર સીમકાર્ડ અને મેમરી કાર્ડ મળી આવતા ચકચાર મચી છે. રાણીપ પોલીસે વિવિધ ગુનામાં જેલમાં બંધ ચાર આરોપી સામે ગુનો નોંધીને વધુ તપાસ હાથ ધરી છે.

 આ બનાવની વિગત મુજબ ૧૪ નવેમ્બરના રોજ સેન્ટ્રલ જેલના જેલર ભરતસિંહ રાઠવા તેમના સ્ટાફ સાથે નવી જેલ વિભાગની ખોલી નંબર-૯માં રાખવામાં આવેલા ચાર આરોપીની ખોલીની તપાસ કરી હતી. 

 જેમાં ખોલીની અંદર ખુણામાં લાદી તોડીને દિવાલમાં સંતાડી રાખેલા બે મોબાઈલ મળી આવ્યા હતા. તે સિવાય ચાર સીમકાર્ડ, ૧ મેમરી કાર્ડ, ૧ ચાર્જર અને પાંચ ઈંચ લાંબો અણીદાર ખીલો મળી આવ્યો હતો.

 આ અંગે કાચા કામના આરોપીઓ કિશોરસિંહ ભાવસિંહ રાઠોડ (૪૫), બીરજુ કિશોરભાઈ સલ્લા (૩૭), અમિત સુરેશભાઈ ભટનાગર (૪૮) અને સુમીત સુરેશભાઈ ભટનાગર (૪૫) નો સમાવેશ થાય છે.

 રાણીપ પોલીસે ચારેય આરોપી સામે ગુનો નોંધીને આ મોબાઈલ તેમણે ક્યાંથી મેળવ્યા તે અંગે ઝીણવટભરી તપાસ હાથ ધરી છે.

 પોલીસે બન્ને મોબાઈલ અને સીમકાર્ડ તપાસ માટે એફએસએલમાં મોકલી આપ્યા છે. તે સિવાય આ મોબાઈલનો તેમણે ઉપયોગ કર્યો છે કે કેમ તે અંગે પણ તપાસ હાથ ધરી છે.

(6:15 pm IST)
  • અમદાવાદ :260 કરોડ ફ્રોડનો મામલો : વિનય શાહના કોટક બેંક સહિત અનેક બેંક એકાઉન્ટ અંગે CID ને મળી માહિતી: પૂર્વ કર્મચારી પૂજા શાહની પણ CID ક્રાઈમે કરી પૂછપરછ: વિનય શાહના ઘરે સર્ચમાં દરમ્યાન લોટના ડબ્બામાં,ફર્નિચર,બેડ અને કબાટમાં સંતાડેલા હતા રૂપિયા access_time 11:13 pm IST

  • જો ઓસ્ટ્રેલિયા સ્લેજિંગ કરશે તો ભારત ઈંટનો જવાબ પથ્થરથી આપશે : આ પ્રવાસ શાંતિપૂર્ણ રહે એવી આશા ભારતીય કેપ્ટને વ્યકત કરી : કોહલી access_time 1:16 pm IST

  • અમેરીકાના સાંસદોએ ઉઈઘર મુસ્લિમો પર દમન ગુજારવા બદલ ચીન પર પ્રતિબંધો લાદતુ બીલ રજૂ કર્યુ access_time 3:18 pm IST