Gujarati News

Gujarati News

News of Friday, 16th November 2018

સરકાર પાા કરોડ કિલો ઘાસ ખરીદશે, જરૂર પડયે વધુ તાલુકા અછતગ્રસ્ત જાહેર કરાશે : કૌશિક પટેલ

આવતા ચોમાસા સુધીનું ઘાસ, પાણી, રોજગારીનું આયોજન : મહેસુલમંત્રીની અકિલા સાથે વાતચીત

રાજકોટ, તા. ૧૬ :. રાજ્ય સરકાર દ્વારા કેટલાક જિલ્લાઓની અછતની પરિસ્થિતિને અનુલક્ષીને આવતા ચોમાસા સુધીનું ઘાસ, પીવાનું પાણી અને રોજગારીનું આયોજન થઈ રહ્યાનું મહેસુલ મંત્રી શ્રી કૌશિક પટેલે જણાવ્યુ હતું.

શ્રી કૌશિક પટેલે આજે અકિલા સાથેની વાતચીતમાં જણાવેલ કે, ૧૧ જિલ્લાઓના ૫૧ તાલુકાઓને અછતગ્રસ્ત જાહેર કરી સરકારી કામગીરીનું આયોજન કરવામાં આવ્યુ છે. હજુ બીજા કેટલાક તાલુકાઓને અછતગ્રસ્ત જાહેર કરવાની માંગણી આવી છે. રાહત કમિશનર કચેરીને આ બાબતે અભ્યાસ કરી અહેવાલ આપવા જણાવાયુ છે. જ્યાં જરૂર જણાય ત્યાં વધુ કેટલાક તાલુકાઓને અછતગ્રસ્ત જાહેર કરી સરકારી સહાયનો લાભ આપવામાં આવશે. મહારાષ્ટ્ર તરફથી ઘાસ મંગાવવામાં આવી રહ્યુ છે. સાડા પાંચ કરોડ કિલો ઘાસ માટેના ટેન્ડરો બહાર પડી ગયા છે. અછતને અનુલક્ષીને વર્ષમાં ૧૦૦ના બદલે ૧૫૦ દિવસ રોજગારી અપાશે. કેન્દ્ર સરકારને સહાય માટેનું આવેદન આપી દેવામાં આવ્યુ છે. હવે પછી કેન્દ્રની ટીમ ગુજરાતમાં આવશે.

(12:23 pm IST)
  • અમદાવાદ :260 કરોડ ફ્રોડનો મામલો : વિનય શાહના કોટક બેંક સહિત અનેક બેંક એકાઉન્ટ અંગે CID ને મળી માહિતી: પૂર્વ કર્મચારી પૂજા શાહની પણ CID ક્રાઈમે કરી પૂછપરછ: વિનય શાહના ઘરે સર્ચમાં દરમ્યાન લોટના ડબ્બામાં,ફર્નિચર,બેડ અને કબાટમાં સંતાડેલા હતા રૂપિયા access_time 11:13 pm IST

  • મોડાસામાં અરવલ્લી ભાજપનું સ્નેહમિલન ભીખુભાઇ દલસાણીયા,ભરત પંડ્યા,કે સી પટેલ હાજર ભરત પંડ્યા એ જણાવ્યુ હતુ કેજાતિવાદ,પ્રાંતવાદ કોંગ્રેસની દેનઅશાંતિ,હિંસા ફેલાવવું તે કોંગ્રેસનું કામભાજપના સ્નેહ મિલન થકી એકતાનો વિચાર આપીશું access_time 2:44 pm IST

  • દાહોદ:દિલ્હી થી મુંબઈ નેશનલ હાઈવે કોરીડોરનો ઝાલોદના 16 ગામોના ખેડુતોએ વિરોધ કર્યો:પ્રાન્ત અધિકારીને આવેદનપત્ર આપવા ખેડૂતો પહોંચ્યા:પ્રાન્ત અધિકારી કચેરીમાં હાજર ન રહેતા ખેડુતો રોષે ભરાયા:રોષે ભરાયેલા ખેડુતો પ્રાન્ત કચેરીમાં ધસી આવ્યા:ખેડુતોએ કચેરીમાં ભારે સુત્રોચ્ચાર કર્યા access_time 3:04 pm IST