Gujarati News

Gujarati News

News of Friday, 16th November 2018

અમદાવાદ રાણીપ આરટીઓ કચેરીના નાઈટ વિઝન સીસીટીવી કેમેરાની ચોરી

દિવાળી વેકેશનને કારણે કચેરી બંધ :ફૂટેજ નહીં જણાતા કર્મચારીને બોલાવતા ભાંડો ફૂટ્યો

અમદાવાદમાં રાણીપમાં આરટીઓ કચેરીના નાઈટ વિઝન સીસીટીવી કેમેરાની ચોરી થઇ છે આ અંગે રાણીપ પોલીસ સ્ટેશનમાં ફરિયાદ નોંધાતા પોલીસે તપાસ હાથ ધરી છે

 મળતી વિગત મુજબ રાણીપમાં આરટીઓ કચેરીની કલેક્ટર ઓફિસ તરફની દિવાલ પર લગાવેલા ૧૫,૦૦૦ ની કિંમતના નાઈટ વિઝન સીસીટીવી કેમેરાની ચોરી થઈ હતી.

 આરટીઓમાં ફરજ બજાવતા આશિષકુમાર પંચાલે ફરિયાદમાં જમાવ્યું હતું કે ૧૪ નવેમ્બરના રોજ આ સીસીટીવી કેમેરાના ફુટેજ નહી જણાતા સીસીટીવીના કોન્ટ્રાક્ટના કર્મચારીને બોલાવવામાં આવ્યો હતો. જેમાં તેણે તા. ૮ નવેમ્બરના રોજ રાત્રે કોઈ શખ્સ આ સીસીટીવી કેમેરાની ચોરી કરી ગયો હોવાનું જણાવ્યું હતું. અન્ય એક સીસીટીવી કેમેરામાં તપાસ કરતા આરોપી નાઈટ વિઝન સીસીટીવી કેમેરો ચોરી જતો જણાયો હતો. જોકે ૬ નવેમ્બરથી ૧૨ નવેમ્બર દરમિયાન દિવાળી વેકેશનને કારણે કચેરી બંધ હોવાથી તે સમયે બનાવ અંગે જાણ થઈ ન હતી.

(12:20 pm IST)
  • સુરત:અડાજણ વિસ્તારમાં મનપા એસઆઈ પર હુમલો:કચરો નાખનાર મહિલાને કહેવા જતા મામલો બીચક્યો:મહિલાનો પુત્ર સળિયો લઈ એસઆઈને મારવા પહોંચ્યો:એસઆઈ પર હુમલો કરતા થયો બખેડો:મામલો અડાજણ પોલીસ મથકે પહોંચતા ફરિયાદ નોંધાઇ:પોલીસે હુમલાખોરની ધરપકડ કરી access_time 2:57 pm IST

  • અમેરીકાના સાંસદોએ ઉઈઘર મુસ્‍લિમો પર દમન ગુજારવા બદલ ચીન પર પ્રતિબંધો લાદતુ બીલ રજૂ કર્યુ access_time 12:51 pm IST

  • ભાવનગર :જિલ્લામાં રોગચાળાએ ભરડો લીધો :છેલ્લા ઘણા દિવસથી રોગચાળાનો કહેર યથાવત :સર.ટી હોસ્પિટલમાં સ્વાઈન ફલૂ સહિતના રોગમાં વધારો :જેમાં તાવ, શરદી, ઉધરસ, જાડા-ઉલ્ટી સહિતનાં રોગોનાં દર્દીઓમાં વધારો :સ્વાઇન ફલૂથી વધુ એક મોત access_time 11:14 pm IST