Gujarati News

અમદાવાદમાં SEBI, NSE અને BSEમાં રજિસ્ટર્ડ બે કંપનીઓએ ઉઠમણાં કર્યાના અને  આ કંપનીએ ઉઠમણા પટે જે રકમનું કૌભાંડ આચર્યાનો આક્ષેપ કરવામાં આવી રહ્યો છે,

 આ અંગે મળતી વિગત મુજબ અમદાવાદ સ્થિતિ BMA વેલ્થ ક્રિએટર્સ અને ફેર વેલ્થ સિક્યોરિટીસ પ્રાઈવેટ લિમિટેડ નામની બે કંપનીઓ ઉઠી જતાં હજારો શેર હોલ્ડરોએ રાતા પાણીએ રડવાનો વારો આવ્યો છે. આ બનેં કંપનીઓએ અંદાજે 2 હજાર કરોડનું કૌભાંડ આચર્યુ હોવાનાં દાવા કરવામાં આવી રહ્યા છે અને આ બનેં કંપની માં જે લોકો દ્વારા રોકાણ કરવામાં આવ્યું હતું તે લોકો આ પ્રકારનાં ગંભીર આક્ષેપો સાથે અમદાવાદ ખાતે આવેલી સેબીની ઓફિસ પહોંચ્યા હતા.

સેબીની ઓફિસ પર પહોંચેલા અને 2000 કરોડનાં કૌભાંડના શિકાર બનેલા આ રોકાણકારો દ્વારા સેબીની ઓફિસ પર જઈ હોબાળો મચાવવામાં આવ્યો હતો. છેલ્લા ચાર દિવસથી આ બનેં કંપનીના ડાયરેક્ટર સહિતના સંચાલકો ફરાર થયાની ફરિયાદ રોકાણકારોએ કરી હતી બને કંપનીઓ જ્યારે SEBI અંતર્ગત NSE અને BSEમાં રજિસ્ટર્ડ હોય. ત્યારે આ રીતે શેરની ઉથલ પાથલ કરવામાં કેવી રીતે સફળ થાય અને આવી માન્યામાં ન આવે તેવા ટ્રાન્ઝેક્શન દ્વારા 2000 કરોડ જેવી માતબર રકમનું શેર ટ્રાન્ફર કૌભાંડ આચરવામાં સફળ જ કોવી રીતે થઇ શકે.

આ મામલાને લઇને અને આવી તાર્કીક દલીલ સાથે બનેં કંપઓ દ્વારા કરોડોની ઉચાપત કઈ રીતે થઈ તેને લઈ શેર હોલ્ડરોમાં નારાજગી પ્રવર્તી રહી છે. રોકાણકારો દ્વારા આ મમલે સધન અને ઉંડાણ પૂર્વકની તપાસ કરવા માટે માંગ કરવામાં આવી રહી છે, ત્યારે આ મામલે શું થશે તે આવનારો સમય જ કહેશે પરંતુ રોકાણકારોને ફરી રાતા પણીએ રોવાનો વારો આવ્યો છે તે હકીકત છે.