Gujarati News

Gujarati News

News of Tuesday, 16th October 2018

દિયોદર તાલુકા નજીક ખેતરમાં પાણી વાળવા જવું પતિને ભારે પડ્યું: ખેતરના માલિકે પત્નીને બનાવી હવસનો શિકાર

દિયોદર: દિયોદર તાલુકાના મેસરા ગામે ગુરુવારે રાત્રે મહિલા પુત્ર સાથે ઓરડામાં સૂતી હતી તે દરમિયાન ખેતર માલિક આવી બળજબરીપૂર્વક જાનથી મારી નાખવાની ધમકી આપી દુષ્કર્મ આચર્યું હતું. આ અંગે પરણિતાએ તેના પતિને સઘળી હકીકત જણાવતા શનિવારે દિયોદર પોલીસ મથકે આ અંગે પરણિતાએ જાણ કરતા પોલીસે ખેતર માલિક સામે દુષ્કર્મનો ગુનો નોંધી વધુ તપાસ હાથ ધરી હતી.

દિયોદર તાલુકાના મેસરા ગામે એક ખેતરમાં ભાગીયા તરીકે રહેતા પરિવારની પરિણીતા પોતાના પુત્ર સાથે ગુરુવારે રાત્રે ખેતરમાં બનાવેલ ઓરડામાં સૂતા હતા અને તેનો પતિ ખેતરમાં પાણી વાળ‌વા ગયો હતો. તે દરમિયાન ખેતર માલિક વિક્રમભાઈ કરમશીભાઈ રબારી (રહે.મેસરા,તાલુકો-દિયોદર) આવી અને જાનથી મારી નાખવાની ધમકી આપી દુષ્કર્મ આચર્યું હતું. આ અંગે પરણિતાએ તેના પતિ અને પરિવારજનોને સઘળી હકીકત જણાવતા શનિવારે દિયોદર પોલીસ મથક જાણ કરતા પોલીસે વિક્રમભાઈ કરમશીભાઈ રબારી (રહે.મેસરા, તાલુકો- દિયોદર) સામે દુષ્કર્મનો ગુનો નોંધી વધુ તપાસ પીએસઆઈ પી.ડી.સોલંકી ચલાવી રહ્યા છે ઘટનાથી ચકચાર મચી જવા પામી હતી.

(5:21 pm IST)
  • જમ્મુ - કાશ્મીરમાં આતંકીઓનો હુમલો :CRPF કેમ્પમાં બે જવાનો ઘાયલ : કંગન વિસ્તારમાં એક આતંકી ઠાર થયા પછી આ હુમલો થયો : કાશ્મીર ખીણમાં નગર પંચાયતોની ચૂંટણી સંદર્ભે અનેક બનાવો બહાર આવી રહ્યા છે access_time 11:38 am IST

  • સોમાલીયાના બેડોઆ શહેરમાં આત્મઘાતી બોમ્બ વિસ્ફોટઃ ૧૬ લોકોના મોત : ૫૦ ઘાયલ : સોમાલીયાના બેડોઆ શહેરમાં શનિવારે બે આતંકવાદીઓએ એક રેસ્ટોરા અને હોટલમાં આત્મઘાતી બોમ્બ વિસ્ફોટ કરતા ૧૬ લોકોના મોત નિપજયા છે. જયારે ૫૦ લોકો ઘાયલ થયા છે. આત્મઘાતી હુમલાવાર શહેરના ભીડવાળા વિસ્તારમાંં ઘુસી આવ્યા હતા અને પોતાની જાતને ઉડાવી દીધી હતી. આ હુમલાની જવાબદારી આતંકી સંગઠન અલ-શબાએ લીધી છે access_time 3:31 pm IST

  • મુંબઇમાં સખ્ત ગરમી-ઉકળાટ : ૨૧-૨૨ ઓકટોબરે છુટાછવાયા ગાજવીજ વરસાદી ઝાપટા પડશેઃ હાલ તુર્ત સુકુ અને ગરમ વાતાવરણ ચાલુ રહેશે તેમ સ્કાયમેટ કહે છે. મુંબઇમાં સાંતાકુઝ ખાતે ગઇકાલે ૩૭.૫ સેન્ટીગ્રેડ ઉષ્ણતામાન નોંધાયું હતુઃ ભારે ગરમી-બફારા સાથે લોકો પરસેવે રેબઝેબ છેઃ છેલ્લા ૧૦ વર્ષોમાં બીજી વખત આવુ ઉંચુ ઉષ્ણાતામાન ઓકટોબરમાં જોવા મળ્યું છે. access_time 3:37 pm IST