Gujarati News

Gujarati News

News of Tuesday, 16th October 2018

સુરતના સેન્ટ્રલ ઝોનમાં ભારે દબાણ હટાવવા મનપાનો સહારો લેવામાં આવ્યો

સુરત: મ્યુનિ.ના સેન્ટ્રલ ઝોનમાં દબાણ માટે કુખ્યાત કાદરશાની નાળ-નાનપુરા વિસ્તારમાં માથાભારે દબાણ કરનારાઓના દબાણ દુર કરવા માટે મ્યુનિ. તંત્રએ પોલીસનો સહારો લેવો પડયો હતો. પોલીસ અને પાલિકાની ટીમ સાથે હોવા છતાં માથાભારે તત્વોના કારણે અંશતઃ દબાણ જ દુર થઈ શક્યા છે. 

આ વિસ્તારમાં બંધ પડેલી કાર અને ભંગારવાળાઓના કારણે ટ્રાફિક સમસ્યા થાય છે પરંતુ લારીઓના દબાણ સિવાય મ્યુનિ. તંત્ર આ દબાણો દૂર ન કરી શકી હોવાથી સમસ્યાનો ઉકેલ આવ્યો નથી. માથાભારે તત્વોની દાદાગીરીના કારણે જાહેર રસ્તા પર બગડેલી કાર અને કાટપીયાના દબાણ દુર થઈ શક્યા નથી.

સુરત મ્યુનિ.ના સેન્ટ્રલ ઝોનમાં વિરોધ ન થાય તેવા વિસ્તારના દબાણ દુર કરવામાં બહાદુરી બતાવતું મ્યુનિ. તંત્ર કાદરશાની નાળથી નાનપુરાના દબાણ હટાવવામાં બિલાડી સાબિત થઈ ગયું છે. 

મ્યુનિ. તંત્રએ કાદરશાની નાળથી નાનપુરા વચ્ચેના દબાણ તો હટાવ્યા પરંતુ ટ્રાફિકની સમસ્યા માટે જવાબદાર છે તેવા દબાણ હટાવાવમાં સફળતા મળી નથી. મ્યુનિ.ના અધિકારીઓ કાદરશાની નાળથી દબાણ દુર કરવા માટે આવ્યા કે માથાભારે દબાણ કરનારાઓએ મ્યુનિ. તંત્રની કામગીરીમાં અવરોધ કર્યો હતો. 

(5:18 pm IST)
  • રાજ્યભરમાં સ્ટેટ GST વિભાગના દરોડા: અમદાવાદ, સુરત,વડોદરા,રાજકોટ,વલસાડ,મોરબી, દાહોદમાં પેટ્રોલ પંપ પર તપાસ: પંપના માલિકો વેરો ન ભરી ટેક્સ ચોરી કરતા હતા access_time 1:13 am IST

  • સુરત: લીંબાયતમાં બાળકીની હત્યાનો કેસ: પોલીસે આરોપીને જલ્દીથી પકડવા માટેનુ આશ્વાસન અપાતા પરિવાર દ્વારા બાળકીનો મૃતદેહ સ્વીકારાયો:બે દિવસમાં આરોપીને નહિ પકડવામાં આવે તો બાળકીની અસ્થિ સાથે રેલી કાઢી પોલીસ કમિશનર કચેરીએ ધરણા કરવાની ચીમકી access_time 1:17 am IST

  • સોમાલીયાના બેડોઆ શહેરમાં આત્મઘાતી બોમ્બ વિસ્ફોટઃ ૧૬ લોકોના મોત : ૫૦ ઘાયલ : સોમાલીયાના બેડોઆ શહેરમાં શનિવારે બે આતંકવાદીઓએ એક રેસ્ટોરા અને હોટલમાં આત્મઘાતી બોમ્બ વિસ્ફોટ કરતા ૧૬ લોકોના મોત નિપજયા છે. જયારે ૫૦ લોકો ઘાયલ થયા છે. આત્મઘાતી હુમલાવાર શહેરના ભીડવાળા વિસ્તારમાંં ઘુસી આવ્યા હતા અને પોતાની જાતને ઉડાવી દીધી હતી. આ હુમલાની જવાબદારી આતંકી સંગઠન અલ-શબાએ લીધી છે access_time 3:31 pm IST