Gujarati News

Gujarati News

News of Tuesday, 16th October 2018

પાટીદાર આંદોલન સમયે લોકોના જાનમાલના રક્ષણ માટે જે પગલા લેવાનું યોગ્ય જણાયું તે પગલા લીધેલઃ શિવાનંદ ઝા

જસ્ટીસ કે.એ.પુંજના કમીશન સમક્ષ ડીજીપી સહિત ઉચ્ચ અધિકારીઓએ એફીડેવીટ કરી : આંદોલનકારી નેતાઓએ પણ નિવેદનો આપ્યાઃ હવે જસ્ટીસ શ્રી પુંજ કેવો રીપોર્ટ આપે છે તેના તરફ આતુરતા ભરી મીટ મંડાઇ છે

રાજકોટ, તા., ૧૬: અમદાવાદ સહિત ગુજરાતમાં ર૦૧પમાં પાટીદારોની વિશાળ રેલી બાદ જીએમડીસીમાં મળેલી સભા દરમિયાન પરિસ્થિતિ વણસતા પોલીસ દ્વારા કહેવાતા બળપ્રયોગ સામે થયેલી રજુઆત સંદર્ભે એક વ્યકિતના નિમાયેલ જસ્ટીસ શ્રી કે.એ.પુંજના કમીશન સમક્ષ રાજયના પોલીસ વડા શિવાનંદ ઝાએ એફીડેવીટ કરી છે.

ઘટના સમયે હાલના ડીજીપી શિવાનંદ ઝા અમદાવાદના પોલીસ કમિશ્નર હતા અને આ ઘટનાઓ તે સમયે સર્જાયેેલ હોવાથી શિવાનંદ ઝાની એફીડેવીટ મહત્વની બની રહી હતી.

સુત્રોના કથન મુજબ ઉચ્ચ અધિકારીઓએ પોલીસ દ્વારા ટોળાને કાબુમાં લઇ લોકોના જાનમાલની રક્ષા માટે તે સમયે પરિસ્થિતિ વણસતી અટકાવવા જે પગલાઓ લેવાનું યોગ્ય લાગ્યું તેવા પગલાઓ લીધા હતા.

સુત્રો દ્વારા વધુમાં જણાવ્યા મુજબ હાલ ડેપ્યુટેશન પર ગયેલા ગુજરાતના તત્કાલીન સિનીયર આઇપીએસ અને અમદાવાદના તત્કાલીન સેકટર-૧ના જોઇન્ટ પોલીસ કમિશ્નર રાજીવ રંજન ભગતે પણ એફીડેવીટ કરવા સાથે ઘણા અન્યો સિનીયર-જુનીયર પોલીસ અધિકારીઓએ એફીડેવીટ કરી છે. મોટા ભાગના અધિકારીઓની એફીડેવીટનો સુર એક જ જેવો નીકળે છે.

જસ્ટીસ કે.એ.પુંજ સમક્ષ સિનીયર-જુનીયર અધિકારીઓની એફીેડેવીટ સિવાય આંદોલનકારી નેતાઓની પણ એફીડેવીટ નોંધવામાં આવી છે. હવે પંચ આ બાબતે શું નિર્ણય લઇ પોતાનો રિપોર્ટ આપશે તે બાબતે ઉત્સુકતા જાગી છે.

(3:23 pm IST)
  • ભરૂચ જિલ્લા પ્રવાસન વિકાસ સોસાયટી અને વહીવટી તંત્ર દ્વારા 28 ઓક્ટોબરે યોજાશે હેરિટેજ વોક:દાંડિયા બજાર વિસ્તારમાં આવેલ નથુ ધોબણની ધર્મશાળાથી સવારે 7 કલાકે હેરિટેજ વોકનો થશે પ્રારંભ:ઐતિહાસિક સ્થળોના વિકાસ માટે તંત્ર દ્વારા એકશન પ્લાન ઘડાયો: 7 કી.મી.ના રૂટમાં આવતા ઐતિહાસિક સ્થળનો કરાયો સમાવેશ access_time 1:13 am IST

  • ગાંધીનગરમાં બુધવારે મુખ્યમંત્રીની અધ્યક્ષતામાં કેબિનેટની બેઠક મળશે: સવારની જગ્યાએ સાંજે 6 વાગ્યે કેબિનેટની બેઠક યોજાશે : અછતગ્રસ્ત તાલુકાઓ અંગે નિર્ણય થવાની શક્યતા access_time 1:00 am IST

  • ગાંધીનગરઃ કેવડિયા કોલોની નર્મદા ડેમ નજીક અન્ય રાજયોના ભવનો બનશેઃ પ્રવાસનને વેગ આપવા અન્ય રાજયના ભવન બનાવવાની વિચારણાઃ દિવાળી બાદ રાષ્ટ્રપતિ અને ઉપરાષ્ટ્રપતિ કરી શકે છે સ્ટેચ્યુ ઓફ યુનિટીની મુલાકાત access_time 11:29 am IST