Gujarati News

Gujarati News

News of Monday, 16th September 2019

નવસારી જિલ્લામાં ધરા ધ્રૂજી: તીવ્રતા 2.3ની નોંધાઈ : વાંસદા , ઉનાઈ અને લીઝર સહિતના વિસ્તારમાં આંચકા અનુભવાયા

નવસારીના મહુવરીયા ગામ નજીક ભૂકંપનું એપી સેન્ટર જમીનના પેટાળમાં લગભગ 10 કિમી ઊંડે હલચલ

નવસારી જિલ્લામાં ધરા ધ્રૂજતાં લોકોમાં ભયનો માહોલ સર્જાયો હતો. નવસારીના વાંસદા, ઉનાઈ અને લીઝર વિસ્તારમાં ભૂકંપના આંચકા અનુભવાયા હતા. રિક્ટર સ્કેલ પર ભૂકંપની તીવ્રતા 2.3ની નોંધાઈ હતી. લગભગ પાંચ સેકન્ડ સુધી નવસારીની ધરા ધ્રૂજી હતી. નવસારીના મહુવરીયા ગામ નજીક ભૂકંપનું એપી સેન્ટર હોવાનું જણાવવામાં આવી રહ્યું છે.

નવસારીમાં ભૂકંપનો ઝટકો અનુભવાતાં અનુભવાતાં લોકોમાં ભયનો માહોલ સર્જાયો હતો. સાંજે લગભગ 4.36 કલાકે નવસારીના દક્ષિણ પૂર્વ ભાગમાં હળવો ભૂકંપનો ઝટકો અનુભવાયો હતો.ભૂકંપનો ઝટકો લગભગ પાંચ સેકન્ડ સુધી અનુભવાતાં લોકોમાં દોડધામ મચી ગઈ હતી. ભૂકંપના ઝટકા વાંસદા, ઉનાઈ અને લીઝર વિસ્તારમાં અનુભવાયા હતા.

ભૂકંપની તીવ્રતા રેક્ટર સ્કેલ પર 2.3ની નોંધવામાં આવી છે. જમીનના પેટાળમાં લગભગ 10 કિમી ઊંડે હળવી હલચલ થઈ હોવાનું જણાવવામાં આવી રહ્યું છે. ભૂકંપનું એપી સેન્ટર જલાલપુર તાલુકાનું મહુવર ગામ બતાવવામાં આવી રહ્યું છે.

(9:58 pm IST)
  • નાણામંત્રી હજુ ચોથો બુસ્ટર ડોઝ જાહેર કરે તેવી શકયતા : અર્થતંત્રને દોડતું કરવા નાણામંત્રી સીતારામન વધુ એક બુસ્ટર ડોઝ જાહેર કરે તેવી શકયતા છેઃ પ્રસ્તાવને મંજૂરીની જોવાતી રાહઃ આ રાહત લીકવીડીટી વધારવા તથા નિવેશમાં વેગ લાવવા માટે હશેઃ ઓટો સેકટરમાં સ્ક્રેપેજ સ્કીમ પણ લવાશે access_time 4:23 pm IST

  • દિવગત વડાપ્રધાન રાજીવ ગાંધીની હત્યાની દોષી નલિનીની પેરોલ પુરી : ફરીથી જેલમાં મોકલાઈ : નલિનીએ મદ્રાસ હાઇકોર્ટમાં પેરોલની મુદત વધારવા કરેલી અરજી કોર્ટે ફગાવી ; નલિનીને તેણીની પુત્રીના લગ્નની વ્યવસ્થા સંદર્ભે 51 દિવસની પેરોલ મળી હતી : હાઇકોર્ટે ગત મહિને 30 દિવસની છૂટી આપી હતી બાદમાં ત્રણ સપ્તાહ વધારી દેવાયા હતા access_time 12:52 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST