Gujarati News

Gujarati News

News of Monday, 16th September 2019

કાલોલમાં ટ્રાફિક નિયમનો ભંગ બદલ વાહન ચાલકોને ઉઠક બેઠક કરાવવી PSI ને ભારે પડી ; એસપીએ કર્યા સસ્પેન્ડ

કાલોલ : આજથી રાજ્યભરમાં નવો મોટર એક્ટ લાગુ થયો છે આ ટ્રાફિક નિયમનું પાલન નહીં કરનારાઓ પર આકરો દંડ ફટકારવામાં આવી રહ્યો છે. ત્યારે પંચમહાલના કાલોલમાં ટ્રાફિક પોલીસે નિયમોનો ભંગ કરતા વાહન ચાલકોને ઉઠક બેઠક કરાવતા જિલ્લા પોલીસ વડાએ કાર્યવાહી કરી છે.ઉઠક બેઠક કરાવનાર PSIને SPએ  સસ્પેન્ડ કર્યા છે

   કાલોલમાં ટ્રાફિક પોલીસે નિયમોને ચુસ્તપણે અમલ કરાવવા કડક વલણ દાખવ્યું હતું. ટ્રાફિક નિયમનો ભંગ કરતા વાહન ચાલકોને PSI દ્વારા દંડ કરવામાં આવ્યો હતો અને ઉઠક બેઠક પણ કરાવવામાં આવી હતી. PSIનું આ કડક વલણ તેમને ભારે પડ્યું છે. જિલ્લા પોલીસ વડાએ આ પીએસઆઇને સસ્પેન્ડ કર્યા છે , આ PSIનો ઉઠક બેઠક કરાવતો વિડીયો વાયરલ થયો હતો. આ વાયરલ વીડિયોને લઇ જિલ્લા પોલીસ વડાએ કાર્યવાહી કરી હતી.

  ટ્રેફિકના  નવા નિયમ પ્રમાણે દંડની રકમમાં વધારો કરાયો છે  હેલ્મેટ, લાયસન્સ, સીટ બેલ્ટ વિના વાહન ચલાવવા પર નવા દંડ લગાવવામાં આવ્યા છે. ત્રિપલ સવારી, ઓવરસ્પીડિંગમાં દંડની રકમમાં પણ વધારો કરવામાં આવ્યો છે. વીમા, RC બુક વિના વાહન ચલાવવા પર પણ દંડ છે. અકસ્માતની સંખ્યા ઘટાડવા માટે સરકારે આ દંડ લાગુ કર્યો છે.

(9:21 pm IST)
  • નાણામંત્રી હજુ ચોથો બુસ્ટર ડોઝ જાહેર કરે તેવી શકયતા : અર્થતંત્રને દોડતું કરવા નાણામંત્રી સીતારામન વધુ એક બુસ્ટર ડોઝ જાહેર કરે તેવી શકયતા છેઃ પ્રસ્તાવને મંજૂરીની જોવાતી રાહઃ આ રાહત લીકવીડીટી વધારવા તથા નિવેશમાં વેગ લાવવા માટે હશેઃ ઓટો સેકટરમાં સ્ક્રેપેજ સ્કીમ પણ લવાશે access_time 4:23 pm IST

  • સુપ્રીમ કોર્ટે ફારૂક અબ્દુલ્લાની મુક્તિ ને લઈ કેન્દ્ર અને જમ્મુ-કાશ્મીર સરકારને નોટિસ ફટકારી : જમ્મુ-કાશ્મીરમાં કલમ 370 નાબૂદ થયા પછી એમડીએમકે ચીફ વાયકો સહિતના અનેક નેતાઓએ સુપ્રીમ કોર્ટમાં તેની વિરુદ્ધ અરજી કરી છે. જેના પર સુપ્રીમ કોર્ટમાં સુનાવણી ચાલી રહી છે. વાયકોની અરજીની સુનાવણી કરતાં સુપ્રીમ કોર્ટે કેન્દ્ર સરકાર, જમ્મુ-કાશ્મીર સરકારને નોટિસ પાઠવી છે. જોઈએ તો વાયકોએ પોતાની અરજીમાં કહ્યું છે કે રાષ્ટ્રીય પરિષદના નેતા ફારૂક અબ્દુલ્લાનો સંપર્ક થઈ શકતો નથી, જમ્મુ કાશ્મીરમાં કલમ 370 નાબૂદ થયા બાદ તેમને હાઉસ અરેસ્ટમાં રાખવામાં આવ્યા છે. access_time 12:13 pm IST

  • રાજકોટના કોંગી કોર્પોરેટરો સાથે મિટીંગ શરૂ : રાજકોટ કોંગ્રેસના કોર્પોરેટરો અમદાવાદ પહોંચ્યાઃ પૂર્વ ધારાસભ્ય ઇન્દ્રનીલ રાજયગુરૂને ફરી સક્રિય કરવા કોંગી નેતાગીરી સમક્ષ જોરદાર માગણીઃ પ્રદેશ કોંગી પ્રમુખ શ્રીઅમિત ચાવડા સાથે બેઠક શરૂ access_time 4:38 pm IST