Gujarati News

Gujarati News

News of Monday, 16th September 2019

રાજકોટના વી.વી.ઓડેદરા સહિત દોઢ ડઝન પી.આઇ. બદલાયા : બી.પી.સોનારાને ફરી રાજકોટમાં પોસ્ટીંગ

રાજકોટઃ પોલીસ ઇન્સપેકટર કક્ષાના અધિકારીઓની અરસપરસ બદલી કરતા ચાર અલગ અલગ હુકમો રાજયના  પોલીસ વડાની કચેરી દ્વારા કરવામાં આવ્યા છે. આ હુકમમાં રાજકોટના ગાંધીગ્રામ પોલીસ મથકમાં ફરજ બજાવતા પીઆઇ વી.વી. ઓડેદરાને ભાવનગર બદલવામાં આવ્યા છે. ગાંધીનગર ખાતે આઇબી માં ફરજ બજાવતા બી.પી. સોનારાને રાજકોટ શહેરમાં ફરીથી પોસ્ટીંગ આપવાામં આવ્યુ છે.

અન્ય જે હુકમો થયા છે તેમાં પોરબંદરના પી.ડી. દરજી, બોટાદના જે.વી. રાણા તથા કચ્છ પુર્વ(ગાંધીધામ) ઉકત ત્રણેયને અમદાવાદ શહેરમાં બદલવામાં આવ્યા છે. સુરતના એમ.પી.પટેલને નવસારી, ખેડાના યુ.એ. ડાભીને સુરત, મહેસાણાના ડી.બી. મહેતાને અમદાવાદ ગ્રામ્ય અને ખેડા(નડીયાદ) ના એ.બી.ઠાકોરને અમદાવાદનો બદલીમાં સમાવેશ કરવામાં આવ્યો છે.

આઇ.બી.(ગાંધીનગર)ના પી.બી. ગઢવીને મોરબી, એમ.વી.પટેલને સુરત, તથા મોરબીના એમ.આર.સોલંકીને વડોદરા, મોરબીના એમ.એન. શાટીને જામનગર તથા કચ્છ પશ્ચિમ(ભુજ) ના એમ.જે.જલુને જામનગર બદલવામાં આવ્યા છે.

(8:54 pm IST)