Gujarati News

Gujarati News

News of Monday, 16th September 2019

આણંદમાં શેરબજારમાં રોકાણ કરી સારું વળતર આપવાની લાલચ આપી પાંચ શખ્સોએ જુદા-જુદા એકાઉંટમાં 19.18 લાખની ઉચાપત કરતા ફરિયાદના આધારે તપાસ હાથ ધરવામાં આવી

આણંદ: શહેર  ખાતે રહેતા એક વ્યક્તિને શેરબજારમાં રોકાણ કરીને સારું વળતર અપાવવાની લાલચ આપીને પાંચ જેટલા શખ્સોએ પોતાના જુદા-જુદા એકાઉન્ટોમાં કુલ ૧૯.૧૮ લાખની રકમ જમા કરાવીને બાદમાં આ નાણાં પરત નહીં કરી ઠગાઈ તેમજ વિશ્વાસઘાત કરતાં આ અંગે આણંદ શહેર પોલીસે ગુનો દાખલ કરીને તપાસ હાથ ઘરી છે.

મળતી વિગતો અનુસાર શેરબજારના ધંધામાં રસ રાખનાર મહેશકુમાર ચન્દ્રસિંહ દરબાર (રે. ગોપાલ સોસાયટી, ગોપી ટોકિઝ પાસે, આણંદ)એ ત્રણેક વર્ષ પહેલા જુલાઈ માસમાં આણંદના મારવાડી શેર ફાયનાન્સમાં શેરબજારનો ધંધો કરવા માટે પોતાનું ડીમેટ એકાઉન્ટ ખોલાવ્યું હતુ. આ દરમ્યાન આર. વી. ફાયનાસ કંપનીના અંકિત વર્માએ મુંબઈ એન્જલ બ્રોકર કંપનીમાં પણ ખાતુ ખોલાવડાવ્યું હતુ.

(6:14 pm IST)
  • કોંગ્રેસના વરિષ્ઠ નેતા પી.ચિદમ્બરમનો આજે 74 મો જન્મદિવસ છે. ચિદમ્બરમ હાલમાં આઈએનએક્સ મીડિયા કેસમાં તિહાડ જેલમાં છે. આ પ્રસંગે તેમના પુત્ર કાર્તિ ચિદમ્બરમે તેમના પિતાને ભાવનાત્મક પત્ર લખ્યો છે. કાર્તિ ચિદમ્બરમે પત્રમાં ઇશારામાં વડા પ્રધાન મોદી પર નિશાન સાધ્યું હતું કે, "પ્રિય અપ્પા, આજે તમે 74 વર્ષનો થયા છો અને કોઈ 56 ઇંચ તમને રોકી શકશે નહીં. તમારી ગેરહાજરીથી આપણું હૃદય દુભાય છે. કાશ, તમે અમારા બધાની સાથે કેક કાપવા ઘરે જ હોત." access_time 11:58 am IST

  • ભારે કરી : રેલવે પોલીસને હેલ્પલાઇન નંબર પર આવે છે પિઝ્ઝા -બર્ગર માટે ફોન : સ્ટાફ પિઝા અને બર્ગરની ડિલિવરી કરે છે કે કેમ ? તેવા પુછાય છે સવાલ : રાજધાની દિલ્હીમાં રેલવેને નવી મુશીબત :યાત્રીઓ પિઝા અને બર્ગરની ડિલિવરી માટે કરે છે માંગણી : હેલ્પલાઇન નંબરમાં 80 ટકાથી વધુ ફોન પીઝા અને બર્ગર માટે આવે છે : મોબાઈલ રિચાર્જ માટે પણ કરાઈ છે પૂછપરછ access_time 12:53 am IST

  • રાજ્યમાં ટ્રાફિકના નવા નિયમનના અમલવારી માટે પોલીસતંત્ર સજ્જ : નવા નિયમની અમલવારીને લઈને ટ્રાફિકના ઉચ્ચ અધિકારીઓની બેઠક : નિયમની કડક અમલવારી કેવી રીતે કરાવવી તે અંગે બેઠકમાં મહત્વના નિર્ણય લેવાયા:સામન્ય લોકો સાથે સાથે પોલીસ કર્મીઓને પણ ટ્રાફિકના નિયમોનું પાલન કરવા સૂચના : access_time 12:51 am IST