Gujarati News

Gujarati News

News of Monday, 16th September 2019

સુરતના કાપડના વેપારીઓના પાકિસ્તાનમાં કરોડો સલવાયા

ર૦૦ કરોડ ફસાયા ઉપરાંત ૧પ૦ કરોડનો માલ ગોડાઉનમાં પડયો છેઃ સુરતથી ૧૦૦૦ કરોડના કાપડની નિકાસ થાય છેઃ ટેક્ષટાઇલ ઇન્ડસ્ટ્રીઝને માઠી અસર

સુરત તા. ૧૬: ભારત અને પાકિસ્તાન વચ્ચે તંગદિલીભર્યા સંબંધોના કારણે સુરતના કાપડના નિકાસકારોના ર૦૦ કરોડ રૂપિયા પાકિસ્તાનમાં ફસાઇ ગયા છે. સુરતના મિલ માલિકો અને વેપારીઓએ પાકિસ્તાનના વેપારીઓને જે કપડા નિકાસ કર્યા હતા તેની રકમ તેમને નથી મળી રહી. એટલું જ નહિં, અહીંના મિલ માલિકોનો ૧પ૦ કરોડનો માલ પણ ગોદામોમાં જ પડયો છે, જે પાકિસ્તાની વેપારીઓના ઓર્ડર પર તૈયાર કરવામાં આવ્યો હતો. આ કપડાં પાકિસ્તાનની ફેશન મુજબ તૈયાર કરેલા હોવાથી તેને બીજે વેચવા પણ અઘરા છે.

પાકિસ્તાનમાં પોલયેસ્ટરમાંથી બનેલા ચમકતા અને ભડકતા કપડા વધારે પસંદ થતા હોય છે. ત્યાં ગરીબ અને મધ્યમ વર્ગની બહુમતી હોવાથી સસ્તા કપડાની માંગ વધારે રહે છે. તેમની આ જરૂરિયાતો સુરતથી પુરી થઇ રહી છે. દુનિયામાં મોટા પ્રમાણમાં જે પાકિસ્તાની સલવાર સુટ વેચાય છે તેનું કાપડ પણ સુરતથી જ જાય છે. પણ બન્ને દેશો વચ્ચે તણાવનાં કારણે સુરત અને બીજા માર્ગોથી થતી નિકાસ સાવ ઠપ થઇ ગઇ છે.

સુરતથી વાર્ષિક લગભગ ૧૦૦૦ કરોડ રૂપિયાના કાપડની નિકાસ થાય છે. નિકાસકારોની બાકી રકમનું ચુકવણું લગભગ ૩-૪ મહિનામાં સામાન્ય રીતે થઇ જતું હોય છે. ઉપરાંત પાકિસ્તાનમાં ૯પ ટકા મહિલાઓ સલવાર સુટ પહેરતી હોય છે. એટલે ત્યાં દુપટ્ટાની પણ ભારે માંગ રહેતી હોય છે જેનો સપ્લાય પણ સુરતથી થાય છે.

(4:12 pm IST)
  • સુપ્રીમ કોર્ટે ફારૂક અબ્દુલ્લાની મુક્તિ ને લઈ કેન્દ્ર અને જમ્મુ-કાશ્મીર સરકારને નોટિસ ફટકારી : જમ્મુ-કાશ્મીરમાં કલમ 370 નાબૂદ થયા પછી એમડીએમકે ચીફ વાયકો સહિતના અનેક નેતાઓએ સુપ્રીમ કોર્ટમાં તેની વિરુદ્ધ અરજી કરી છે. જેના પર સુપ્રીમ કોર્ટમાં સુનાવણી ચાલી રહી છે. વાયકોની અરજીની સુનાવણી કરતાં સુપ્રીમ કોર્ટે કેન્દ્ર સરકાર, જમ્મુ-કાશ્મીર સરકારને નોટિસ પાઠવી છે. જોઈએ તો વાયકોએ પોતાની અરજીમાં કહ્યું છે કે રાષ્ટ્રીય પરિષદના નેતા ફારૂક અબ્દુલ્લાનો સંપર્ક થઈ શકતો નથી, જમ્મુ કાશ્મીરમાં કલમ 370 નાબૂદ થયા બાદ તેમને હાઉસ અરેસ્ટમાં રાખવામાં આવ્યા છે. access_time 12:13 pm IST

  • રાષ્ટ્રપતિ રામનાથ કોવિંદને લઈ જતા એર ઈન્ડિયા વન વિમાન ટેકનીકલ ખામી આવી ગઈ હતી. આને કારણે વિમાનને ત્રણ કલાક માટે સ્વીત્ઝર્લેન્ડના ઝુરિક એરપોર્ટ પર રોકાવું પડ્યું હતું. મળતી માહિતી મુજબ એર ઇન્ડિયા વન વિમાનની પાછળની પાંખમાં ખામી સર્જાઈ હતી. આ વિમાન ઝુરિકથી સ્લોવેનીયા જી રહ્યું હતું. તમને જણાવી દઈએ કે રાષ્ટ્રપતિ કોવિંદ હાલમાં આઇસલેન્ડ, સ્વીત્ઝર્લેન્ડ અને સ્લોવેનીયાની યાત્રા પર છે. access_time 11:51 am IST

  • અખિલેશ યાદવના કાર્યક્રમમાં ભારે ભાગદોડ સર્જાતા સપાના અનેક કાર્યકર્તા ઘાયલ થયા: યુ.પી.ના પીલીભીત ખાતે પીડબલ્યુના ગેસ્ટ હાઉસમાં અખિલેશ યાદવને મળવા સમાજવાદી પક્ષના કાર્યકરોની ભીડ ઉમટી પડીઃ ગેસ્ટ હાઉસના કાચના દરવાજા તુટી ગયા access_time 12:23 pm IST