Gujarati News

Gujarati News

News of Monday, 16th September 2019

કોંગ્રેસ શાસિત વડોદરા જિલ્લા પંચાયતમાં બળવો: પ્રમુખ સામે 11 કોંગી સભ્યોએ અવિશ્વાસ દરખાસ્ત કરતા પ્રમુખે રાજીનામું આપ્યું :ખળભળાટ

બપોરે સામાન્ય સભામાં સત્તાધારી કોંગ્રેસ માટે ફરી નવા પ્રમુખને પસંદ કરવાનો પડકાર

વડોદરા : ભાજપના ગઢ વડોદરામાં કોંગ્રેસને જિલ્લા પંચાયતમાં સતા મળી છે પરંતુ તેને સાચવી રાખવામાં એક સાંધો ત્યાં તેર તૂટે જેવી સ્થિતિ છે. જિલ્લા પંચાયતના પ્રમુખ પન્નાબેન ભટ્ટના પતિ દિલીપ ભટ્ટના દાખલગીરીથી નારાજ 11 કોંગી સભ્યોએ બળવો કર્યો છે જોકે પાર્ટીના દબાણમાં આખરે પ્રમુખ પન્નાબેને રાજીનામું ધરી દીધુ છે. જિલ્લા પંચાયતની આજે  મળનારી સભા પહેલાં પ્રમુખ પન્નાબેને રાજીનામું ધરી દેતાં ખળભળાટ મચી ગયો છે. તેમણે વડોદરા જિલ્લા કોંગ્રેસ પ્રભારી રાજેન્દ્ર પટેલને રાજીનામું ધરી દીધું છે.
બીજી તરફ જિલ્લા પંચાયતના ઉપપ્રમુખ એમ.આઈ.પટેલ સહિતના 7 સભ્યોએ ગુજરાત પ્રદેશ કોંગ્રેસ સમિતિના પ્રમુખ અને સિદ્ધાર્થ પટેલને એક પત્ર લખીને જિલ્લા પંચાયતના પ્રમુખનું રાજીનામુંં લેવામાં આવે તેવી અરજી કરી પ્રમુખ પન્નાબેન ભટ્ટથી અસંતુષ્ટ 11 કોંગ્રેસી સભ્યોને ટેકો જાહેર કર્યો છે.

ઉપપ્રમુખ સહિત 7 સભ્યોએ પત્રમાં લખ્યું છે કે, વડોદરા જિલ્લા પંચાયતના કોંગ્રેસના 11 સભ્યોએ અવિશ્વાસની દરખાસ્તમાં સહીઓ કરી છે. જેના આધારે 16 સપ્ટેમ્બરના રોજ બપોરે 12 વાગે અવિશ્વાસની દરખાસ્ત અંગે સામાન્ય સભા રાખવામાં આવી છે. જો આ સભામાં વોટિંગ થાય તો ઘણા ગંભીર પ્રશ્નો ઉત્પન્ન થાય તેમ છે.

 વડોરામાં જિલ્લા પંચાયતમાં સત્તાધારી કોંગ્રેસ માટે ફરી નવા પ્રમુખને પસંદ કરવાનો પડકાર ઉભો થયો છે. હવે આગામી સમયમાં પક્ષ પ્રમુખની પસંદગીનો કળશ કોના પર ઢોળે છે તેના પર સૌની નજર રહેશે. જ્યારે આ રાજીનામા મામલે પ્રમુખ પન્નાબેનના પતિ દિલીપ ભટ્ટે જણાવ્યું હતું કે 11 સભ્યોની અવિશ્વાસની દરખાસ્ત સામે તેમણે રાજીનામુંં આપ્યું છે

(12:44 pm IST)
  • રાષ્ટ્રપતિ રામનાથ કોવિંદને લઈ જતા એર ઈન્ડિયા વન વિમાન ટેકનીકલ ખામી આવી ગઈ હતી. આને કારણે વિમાનને ત્રણ કલાક માટે સ્વીત્ઝર્લેન્ડના ઝુરિક એરપોર્ટ પર રોકાવું પડ્યું હતું. મળતી માહિતી મુજબ એર ઇન્ડિયા વન વિમાનની પાછળની પાંખમાં ખામી સર્જાઈ હતી. આ વિમાન ઝુરિકથી સ્લોવેનીયા જી રહ્યું હતું. તમને જણાવી દઈએ કે રાષ્ટ્રપતિ કોવિંદ હાલમાં આઇસલેન્ડ, સ્વીત્ઝર્લેન્ડ અને સ્લોવેનીયાની યાત્રા પર છે. access_time 11:51 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST

  • દિલ્હીના ૩૧ માર્ચ ૧૯૯૭ ના ચકચારી કનોટ પ્લેસ નકલી એન્કાઉન્ટર કેસ, જેમાં 2 ઉદ્યોગપતિઓની સરાજાહેર હત્યા કરાય હતી, તેમાં તત્કાલીન એસીપી સત્યવીર રાઠી સહિત સમગ્ર પોલીસ ટીમને આજીવન કેદની સજા ફટકારતી કોર્ટ! access_time 12:20 pm IST