Gujarati News

(ભરત શાહ દ્વારા)  રાજપીપળા : હાલમાં ચાલતી કોરોનાની મહામારીને કારણે નર્મદા જિલ્લામાં કેસ વધી રહ્યા છે.લોકડાઉન ન હોવાના કારણે કામ વગર લોકો આવન-જાવન કરી રહ્યા છે અને બહાર ના ફેરિયાઓ તેમજ કામ વિનાના લોકો ગામમાં માસ્ક વગર પ્રવેશ કરી રહ્યા હોઈ ગોપાલપુરા ગામના સરપંચ તેમજ તેમની ટીમ ને આ બાબત ધ્યાને આવતા ગામના મુખ્ય દ્વાર તેમજ અન્ય જગ્યાએ ચેતવણી રૂપે "માસ્ક વગર ગામમાં પ્રવેશ કરવો નહિ,જો માસ્ક વગર ગામમાં પ્રવેશ કરવામાં આવશે તો રૂ.200/- દંડ ને પાત્ર રહેશે.”તેવો ઠરાવ કરી બોર્ડ મારવામાં આવ્યા છે.ત્યારે આ ગામ માટે ભરાયેલું આ પગલું ગ્રામજનોના સ્વાસ્થ્ય માટે રક્ષા કવચ જેવું કહી શકાય.