Gujarati News

Gujarati News

News of Thursday, 16th July 2020

સુરતના હજીરા વિસ્તારમાં નાણાકીય તકલીફથી કંટાળી પતિએ ફાસો ખાઈ જીવનલીલા સંકેલી લીધી

સુરત:હજીરામાં નાણાકીય તકલીફ પડતી હોવાથી પત્ની સાથે રકઝક થતા પતિ નાસીપાસ થયેલી ગળે ફાંસો ખાઈ જીવન ટૂંકાવ્યું હોવાની શક્યતા છે.

પ્રાપ્ત વિગત મુજબ હજીરા ગામ નવી સોસાયટીમાં દીપેશ પટેલના મકાનમાં રહેતા 30 વર્ષીય મિથીલેશકુમાર ગુરુચરણ યાદવ બુધવારે સવારે ઘર પાસે જંગલી બાવળની ઝાડીમાં લીમડાના ઝાડની ડાળખી સાથે દોરી બાંધી ગળેફાંસો ખાઇ આત્મહત્યા કરી હતી. 

પોલીસ સૂત્રોએ કહ્યું હતું મિથીલેશકુમાર મૂળ બિહારના મહારાજગંજના વતની હતા. તેને બે સંતાન છે. તે ડ્રાઇવિંગ કામ કરતા હતા. જોકે તેને નાણાકીય તકલીફ પડતી હોવાથી પત્ની સાથે ઘર ખર્ચ સહિતના મુદ્દે રકઝક થતી હતી. જેથી તેમને માઠું લાગી આવતા આતો પગલું ભર્યું હોવાની શક્યતા છે પણ તપાસ દરમિયાન હકીકત જાણવા મળશે. આ અંગે હજીરા પોલીસે તપાસ આદરી છે.

(6:25 pm IST)
  • રાજ્યમાં બેકાબુ કોરોનાના સંક્રમણને નિયંત્રમાં રાખવા સરકારે ત્રણ અધિકારીઓની નિમણુંક કરી : એ,કે,રાકેશને જામનગર જિલ્લા,શ્રીમતી સુનયના તોમરને ગાંધીનગર જિલ્લો અને મનીષ ભારદ્વાજને જૂનાગઢ જિલ્લાની જવાબદારી access_time 9:54 pm IST

  • જૂનાગઢ BAPS સ્વામિનારાયણ મંદીરમાં લાગી આગ: મંદીરના સત્સંગ હોલમા આગ લાગી : શોર્ટ સરકીટને કારણે આગ લાગ્યાનુ પ્રાથમિક તારણ :કોઈ જાનહાની નહીં :ફાયર શાખા દ્વારા આગ કાબુમાં લેવાઈ:મંદીરના સત્સંગ હોલને નુકશાન access_time 12:22 am IST

  • આ વર્ષે ભાદરવી પૂનમનો મેળા ઉપર પ્રતિબંધ : વિજયભાઈ : રાજયમાં કોરોનાનું આક્રમણ ચારેકોર વધી રહ્યુ છે ત્યારે મુખ્યમંત્રી શ્રી વિજયભાઈ રૂપાણીની અધ્યક્ષતામાં મળેલ બેઠકમાં કેટલાક અગત્યના નિર્ણયો લેવામાં આવ્યા છે જે અંતર્ગત દર વર્ષે યોજાતો ભાદરવી પૂનમનો મેળો આ વર્ષે યોજવા ઉપર પ્રતિબંધ મૂકવામાં આવ્યો છે access_time 4:03 pm IST