Gujarati News

Gujarati News

News of Wednesday, 15th July 2020

સુરતમાં 40થી વધુ બેન્ક કર્મચારીઓ કોરોના પોઝીટીવ : સંક્રમિત વિસ્તારની બેંકોને બંધ રાખવાની માંગણી

સંક્રમિત વિસ્તાર સિવાયની બેંક સવારે 10થી 2 સુધી ચાલુ રાખવા માંગ

 

સુરતઃ સુરત શહેર તથા ગ્રામ્યમાં કોરોના વાયરસના કેસમાં સતત વધારો થઈ રહ્યો છે. તો બેન્ક કર્મચારીઓ પણ કોરોનાની ઝપેટમાં આવી ગયા છે. સુરતના 40થી વધારે બેંક કર્મચારીઓ કોરોના પોઝિટિવ આવ્યા છે. તો કમલેશ ગાવિત નામના કર્મચારીનું કોરોનાને કારણે મોત થયું છે.

સુરત બેંકના કર્મચારીઓ ભયના ઓથા નીચે કામ કરી રહ્યા છે. કોરોના સક્રમિત વિસ્તારના બેંક કર્મચારીઓ સુપર સ્પ્રેડર બની શકે છે. 15000થી વધારે કર્મચારીઓ ભય નીચે કામ કરી રહ્યાં છે. સંક્રમિત વિસ્તારની બેંકો બંધ રાખવાની માગ બેંક એમ્પલોય એસોસિએશને કરી છે. અથવા બેંક કર્મચારીઓને ઘરેથી કામ કરવાની મંજૂરી માગવામાં આવી છે.

કલેક્ટર અને મહાનગર પાલિકાના કમિનશરને પણ રજૂઆત કરવામાં આવી છે. સંક્રમિત વિસ્તાર સિવાયની બેંક સવારે 10થી 2 સુધી ચાલુ રાખવા માંગ કરવામાં આવી છે. બેંક ઓછા સ્ટાફે ચલાવવામાં આવે તથા સુરક્ષાના બધા સાધનો રાખવામાં આવે તે માગ પણ કરવામાં આવી છે.

 

(1:02 am IST)
  • મરકઝ ગયેલા ૨૫૭થી વધુ જમાતીઓને કોર્ટમાં એક દિવસ ઉભા રહેવાની સજા : માફી માંગતા ૫ થી ૧૦ હજારનો દંડ : દિલ્હીમાં મરકઝ મામલે સાંકેત કોર્ટ દ્વારા ૨૭૫થી વધુ જમાતીઓને કોર્ટમાં ઉભા રહેવાની એક દિવસની સજા ફટકારી છે. જમાતીઓએ ભુલ સ્વીકારી લેતા રૂ.૫ થી ૧૦ હજાર રૂપિયાનો સામાન્ય દંડ ફટકારવામાં આવ્યો છે. ઓસ્ટ્રેલીયા, ઈન્ડોનેશીયા અને ચીનથી આવેલા આ જમાતીઓ ૧૩મી માર્ચે મોટી સંખ્યામાં મરકઝમાં જોડાયા હતા. જયાંથી પાટનગર દિલ્હી સહિત દેશભરમાં કોરોના ફેલાયો હતો.(વિટીવીનો અહેવાલ) access_time 4:02 pm IST

  • જામનગરમાં કોરોનાના વધુ ચાર કેસ પોઝીટીવ : કાલાવડના દવલી અને સિધાલી ગામના યુવાનો,જીવાપરના વૃદ્ધ તેમજ સિક્કાના આધેડનો રિપોર્ટ પોઝીટીવ આવ્યો access_time 9:51 pm IST

  • દેશમાં કોરોનાએ આતંક મચાવ્યો : છેલ્લા 24 કલાકમાં એક જ દિવસના રેકોર્ડબ્રેક 35,468 નવા કેસ નોંધાયા :રાત્રે 12 વાગ્યા સુધીમાં દેશમાં કોરોનાના કુલ 10,05,637 કેસ થયા :3,43,036 એક્ટિવ કેસ :કુલ 6,36,602 દર્દીઓ રિકવર :વધુ 680 લોકોના મોત :મૃત્યુઆંક 25,609 થયો : મહારાષ્ટ્રમાં સૌથી વધુ 8641 કેસ સાથે કુલ કેસની સંખ્યા 2,84,281 થઇ: તામિલનાડુમાં નવા 4549 કેસ સાથે કુલ કેસનો આંક 1,56,369 થયો :દિલ્હીમાં વધુ 1652 કેસ સાથે કુલ કેસનો આંક 1,18,645 થયો :કર્ણાટકમાં નવા 4169 કેસ : તેલંગાણામાં નવા 1676 કેસ અને ઉત્તર પ્રદેશમાં 2058 કેસ અને આંધ્રપ્રદેશમાં નવા 2593 કેસ અને પશ્ચિમ બંગાળમાં વધુ 1690 કેસ અને બિહારમાં 1385 નવા કેસ નોંધાયા access_time 1:10 am IST