Gujarati News

Gujarati News

News of Tuesday, 16th July 2019

આણંદ નજીક વિદ્યાનગરમાં નજીવી બાબતે બે ભાઈઓ બાખડ્યા: યુવતીએ વચ્ચે પડતા ચપ્પુથી જીવલેણ ઇજા

આણંદ:નજીક આવેલા વિદ્યાનગરના મહાદેવ એરીયામાં ગઈકાલે સવારના સુમારે ઢેખાળો વાગતાં ઠપકો આપનાર સાથે બે ભાઈઓએ ઝઘડો કરીને વચ્ચે પડનાર યુવતીને ચપ્પુ મારીને ઈજાઓ પહોંચાડતા આ અંગે વિદ્યાનગર પોલીસે ગુનો દાખલ કરીને કાર્યવાહી હાથ ધરી છે. 


મળતી વિગતો અનુસાર ફરિયાદી ચંચળબેન રાવજીભાઈ હરિજનનો પુત્ર રાજુભાઈ ઘર આગળ ખાટલો ભરતો હતો ત્યારે નજીકમાં જ રહેતા ગોપીભાઈ દિલીપભાઈ હરિજન અને ધમાભાઈ દિલીપભાઈ હરિજન બીજા છોકરાઓ સાથે ગબી ડોકની રમત રમતા હતા જે દરમિયાન ઢેખાળો રાજુભાઈના પગમાં વાગતાં તેમણે ઠપકો કર્યો હતો. જેથી બન્ને ભાઈઓએ ઝઘડો કરીને ગમે તેવી ગાળો બોલી ગડદાપાટુનો માર માર્યો હતો અને જાનથી મારી નાંખવાની ધમકીઓ આપી હતી. ચંચળબેનની ભાણી હિનાબેન વચ્ચે પડતાં ગોપીભાઈએ પોતાના હાથમાનું ચપ્પુ મારી દીધું હતુ જેથી હિનાબેન લોહીલુહાણ થઈ જવા પામતાં તેણીને તુરંત જ સારવાર માટે કરમસદની શ્રીકૃષ્ણ હોસ્પિટલમાં લઈ જવામાં આવી હતી. 
 

(5:50 pm IST)
  • શ્રીલંકાને યુદ્ધજહાજ ભેટ આપતું ચીન ;ડીઝલ ટ્રેન આપવાનો પણ વાયદો કર્યો :હિન્દ મહાસાગરમાં રણનીતિક રૂપે પોતાના સૈન્ય સહયોગને કારણે ચીને શ્રીલંકાને એક યુદ્ધજહાજ ગિફ્ટમાં આપ્યું :ચીનના રોલિંગ સ્ટોક નિર્માતાએ એલાન કર્યું છ એકે તે ટૂંકસમયમાં શ્રીલંકાને ડીઝલ ટ્રેન અપાશે access_time 1:10 am IST

  • રાજનીતિથી ઉપર સાંસદોએ તેમનું કામકાજ કરવું જોઈએ : મોદી : બીજેપી સંસદીય દળની બેઠક પૂર્ણ : દિલ્હીમાં બીજેપી સંસદીય દળની બેઠક પૂર્ણ થઈ : આ બેઠકમાં કેન્દ્રીય ગૃહમંત્રી અને બીજેપી અધ્યક્ષ અમિત શાહ સહિતના દિગ્ગજ નેતાઓ હાજર રહ્યાઃ બેઠકમાં લોકસભા અને રાજયસભાના દરેક સાંસદોને વડાપ્રધાન નરેન્દ્ર મોદીએ સંબોધન કર્યુ access_time 1:22 pm IST

  • બિહારના ૧૨ જિલ્લા પાણીમાં દરભંગામાં ભયાનક સ્થિતિ : પુરથી બેહાલ બન્યુ બિહાર : ૧૨ જિલ્લા થયા પુરગ્રસ્ત : સરકારે પુરમાં ૨૪ લોકોના મોતની કરી પુષ્ટિ : દરભંગામાં જોવા મળ્યા પુરના ભયાનક દૃશ્યોઃ ધસમસતા પૂરે પુલ-વે લીધો બાનમાં : લોકો જીવના જોખમે આ નજારો જોવા ઉમટ્યા access_time 3:25 pm IST