Gujarati News

Gujarati News

News of Tuesday, 16th July 2019

મહુધાના ફ્લોલીમાં નજીવી બાબતે થયેલ મારામારીના બનાવમાં સામસામે હુમલામાં ચારને ગંભીર ઇજા

મહુધા: તાલુકાના ફલોલી ગામમાં રહેતાં ગુલાબસિંહ પ્રભાતસિંહ સોઢાપરમાર ગતરોજ સાંજના સમયે નદીકિનારે કુદરતી હાજતે કરવા ગયાં હતાં. તે વખતે ગ્રામપંચાયતના ડેપ્યુટી સરપંચ રાજેશભાઈ રાવજીભાઈ સોઢા નદીમાંથી રેતી કાઢી ટ્રેક્ટરમાં ભરાવતાં હતાં. તે વખતે ગુલાબસિંહ પોતાના ઘરનું સંડાસ સરકાર તરફથી મંજુર થયેલ છે કે કેમ તે બાબતની પુછપરછ કરવા ડેપ્યુટી સરપંચ પાસે ગયાં હતાં. ડેપ્યુટી સરપંચે આ કામ મારામાં આવતુ નથી તેમ કહી તલાટીને પુછી લેવા જણાવ્યું હતું. 

આ બાબતને લઈ બંને વચ્ચે તુતુ...મેમે થઈ હતી અને ઉશ્કેરાઈ ગયેલા ડેપ્યુટી સરપંચ રાજેશભાઈ સોઢા નજીકમાંથી પાવડો લઈ આવી પાવડાની મુદર મારી ગુલાબસિંહને ઈજા પહોંચાડી જાનથી મારી નાંખવાની ધમકી આપી હતી. આ બનાવ અંગે ગુલાબસિંહ પ્રભાતસિંહ સોઢાપરમારની ફરિયાદને આધારે મહુધા પોલીસે રાજેશભાઈ રાવજીભાઈ સોઢા વિરૂધ્ધ ગુનો નોંધી કાયદેસરની કાર્યવાહી હાથ ધરી છે. 

(5:47 pm IST)
  • હિન્દી ભાષા બોલી દેશને હિન્દૂ રાષ્ટ્ર બનાવવાની વડાપ્રધાન મોદીની નેમ : હિન્દી ભાષાના ઉપયોગને કારણે લોકસભામાં ચર્ચાનું સ્તર નીચું ગયું છે : રાજ્યસભાના MDMK સાંસદ વાયકોએ વિવાદનો મધપૂડો છેડ્યો access_time 8:12 pm IST

  • આસામમાં ભયંકર પુરના લીધે ભયજનક સ્થિતિ : આજે સાંજ સુધીમાં ૩૦ જીલ્લાના ૪,૧૫૭ ગામડાઓ અને લગભગ ૪૨,૮૬,૪૨૧ લોકો આ ભયાનક પુરના લીધે પ્રભાવિત થયા છે : આ વિસ્તારોમાં ૧૮૩ રીલીફ કેમ્પ સરકારે ઉભા કર્યા છે : NDRFની ટીમોએ અહીના પૂરગ્રસ્ત વિસ્તારોમાંથી સેકડો લોકોને રેસ્ક્યુ કર્યા છે : આસામમાં NDRFની ૧૫ ટુકડીયોના ૩૮૦ જવાનો ખડેપગે લોકોની મદદ કરવા તેનાત કરાયા હોવાનું જાણવા મળે છે. access_time 9:40 pm IST

  • ક્રિપ્ટોકરન્સી 'લીબ્રા કોઈન' તરતી મૂકી રહેલ ફેસબુકના વડા માર્ક ઝુકરબર્ગને અમેરિકી સંસદ (કોંગ્રેસ) આજે પૂછપરછ કરી રહી છે access_time 1:20 pm IST