Gujarati News

Gujarati News

News of Sunday, 16th June 2019

સાબરકાંઠા જિલ્લાના પ્રાંતિજ નેશનલ હાઇવે પર રીક્ષામાં અચાનક શોર્ટ સર્કિટ થતાં આગ : નાસભાગ મચી ગઇ

અમદાવાદ : આજરોજ સાબરકાંઠા જિલ્લાના પ્રાંતિજ નેશનલ હાઇવે નં. ૮ ઉપર ક્રિસ્ટલ પબ્લિક સ્કૂલ નજીકથી ગાંધીનગરના રિક્ષાચાલક પોતાની રીક્ષા નં. GJ-18-AU-3162 લઈ પસાર થઈ રહ્યા હતા તે દરમીયાન રિક્ષામાં અચાનક શોર્ટ સર્કિટ થતાં આગ લાગી હતી. રિક્ષાચાલક ઠાકોર વિનોદ કાંતિજી કે જેવો હિંમતનગર ખાતે મુસાફરોને ઉતારી પરત ગાંધીનગર તરફ જઈ રહ્યા હતા. ત્યારે રિક્ષામાં લાગેલ આગ જોતજોતામાં ઉગ્ર સ્વરૂપ ધારણ કર્યું હતું. સમગ્ર આગ ઓટોરિક્ષામાં પકડાઈ ગઈ હતી.

જેના કારણે અવરજવર કરતા લોકોમાં નાસભાગ મચી હતી. આસપાસના સ્થાનિકોને આગ લાગવાની ઘટનાના સમાચાર મળતાની સાથે જ લોકો ઘટના સ્થળે દોડી આવ્યા હતાં. ત્યાર બાદ પ્રાંતિજ નગરપાલિકામાં જાણ કરાતા પ્રાંતિજ ફાયર ટીમના મુકેશ પરમાર, ગોપાલ પટેલ ફાયર વિભાગના કાફલા સાથે તાત્કાલિક ઘટના સ્થળે દોડી આવી રિક્ષામાં લાગેલ આગ ઉપર પાણીનો મારો શરૂ કર્યો હતો. જે બાદ તેઓએ સમગ્ર આગ ઉપર આગ કાબૂ મેળવ્યો હતો. જો કે રિક્ષા આગમાં બળીને ભડથું થઇ ગઈ હતી. પ્રાંતિજ પોલીસને પણ આગના સમાચાર મળતા તાત્કાલિક દોડી આવી ટ્રાફિક હળવો કર્યો હતો. સદનસીબે આગની આ ઘટનામાં રિક્ષાચાલકનો આબાદ બાચવ થયો હતો.

(3:06 pm IST)
  • ભારતની પાકિસ્તાન સામે 89રને શાનદાર જીત : પાકિસ્તાનને 212 રનમાં ઘરભેગુ કરી દીધું : સમગ્ર ભારતમાં જશનનો માહોલ : લોકોએ દેશભરમાં ફટાકડા ફોડી ભારતની ભવ્ય જીતને વધાવ્યું access_time 12:32 am IST

  • આસિયા અંદ્રાબીનું કબૂલાત :વિદેશોમાંથી પૈસા લઈને ઘાટીમાં પ્રદર્શન કરાવતી હતી જમ્મુ કાશ્મીરમાં અલગાવવાદી નેતા આસિયા અંદ્રાબીએ કબૂલ કર્યું છે કે તે વિદેશી સ્રોતથી ફંડ લઈને ધાટીમાં સેના અને સરકાર વિરુદ્ધ પ્રદર્શન કરાવતી હતી આસિયાએ નેશનલ ઇન્વેસ્ટીગેશન એજન્સી (NIA)ની પુછપરછમાં આ વાતનો ખુલાસો કર્યો હતો access_time 12:40 am IST

  • ભારતનો ફાસ્ટ બોલર ભુવનેશ્વર બે મેચ નહિ રમી શકે :ભુવીના સાથે મોહંમદ શમીનો સમાવેશ ભારતનો ફાસ્ટ બોલર ભુવનેશ્વર આગામી બે મેચ રમી નહીં શકે :તેમ ટીમ ઇન્ડિયાના કેપ્ટ્ન વિરાટ કોહલીએ કહ્યું હતું :ભુવીને પાકિસ્તાન સામેની મેચ દરમિયાન તેને ઇજા થઇ હતી: હવે પછીના ત્રણ મેચો ભારત 22 જૂને અફઘાનિસ્તાન સામે, ,27મી જૂને વેસ્ટ ઇન્ડિઝ સામે અને 30 જૂને ઇંગ્લેન્ડ સામે રમશે : આ પહેલા ભારતનો ઓપનર શિખર ધવન પણ ઓસ્ટ્રેલિયા સામે ઇજા પામતા કેટલીક મેચ રમી નહીં શકે access_time 1:32 am IST