Gujarati News

Gujarati News

News of Saturday, 16th June 2018

ખેડા: આણંદ અને વડોદરામાંથી બાઇક ચોરી કરતા બે શખ્સો ઝડપાયા

ખેડા: જિલ્લામાં કોમ્બીગ નાઇટ કરી રહેલી ખેડા પોલીસને બાઇક ચોરો ઝડપી પાડવામાં સફળતા મળી છે. ગત રાત્રીના સમયે પોલીસને મળેલી માહિતીના આધારે પોલીસે ઝડપી પાડેલા બે બાઇક ચોરો પાસેથી કુલ ૭ બાઇકો રીકવર કરવામાં પોલીસને સફળતા મળી છે. જે બાબતે પોલીસે કાયદેસર કાર્યવાહી હાથ ધરી છે. 

યાત્રાધામ ડાકોર ખાતે ચોરીના બાઇક સાથે બે શખ્સો ફરી રહ્યા હોવાની મળેલી માહિતીના આધારે એલસીબી પોલીસે ડાકોર ચોકડી પર વોચ ગોઠવી હતી. દરમ્યાન એક બાઈક પર બે શખ્સો આવી ચઢતાં પોલીસે તેઓ શંકાને આધારે અટકાવીને નામઠામ પુછતાં રીઢા બાઈક ચોરો સિદ્ઘાર્થસિંહ બળવંતસિંહ પુવાર (રે. ઉમરેઠ)તથા રાજેશ પ્રેમસિંહ રાજપુત (રે. ડાકોર)ના હોવાનું ખુલવા પામ્યુ હતુ. બાઈક અંગે પુછપરછ કરતાં તેઓ કોઈ સંતોષકારક જવાબ આપી શક્યા નહોતા. જેથી આકરી પુછપરછ કરતાં આ બાઈક સેવાલીયા થર્મલ પાસેથી ચોર્યાની કબુલાત કરી હતી. વધુ પુછપરછ કરતા ખેડા, આણંદ તેમજ વડોદરા જિલ્લામાંથી કુલ ૭ બાઇકો કે જેની કિંમત રૂપીયા ૧.૨૫ લાખની થવા જાય છે તેની ચોરી કરી હોવાની કબુલાત કરી હતી. જેથી પોલીસે તેમની પાસેથી તમામ બાઇકો રીકવર કરી કાયદેસર કાર્યવાહી હાથ ધરી છે. 

(6:09 pm IST)
  • અંબાજીમાં પ્લાસ્ટીકના પાઉચ ઉપર પ્રતિબંધ : ભાદરવી પૂનમના મેળામાં પ્લાસ્ટીકનો ઉપયોગ નહીં કરી શકાય access_time 5:54 pm IST

  • કંપનીના જણાવ્યા પ્રમાણે વોટ્સએપએ હાલમાં તેણે પોતાના મોબાઈલ ડિવાઈસ સપોર્ટ પેજને અપડેટ કર્યું છે. જેને લઈ કંપનીએ ડિવાસનું લિસ્ટ જાહેર કર્યુ છે કે, આ સ્માર્ટફોનમાં 31 ડિસેમ્બર 2018 પછી વોટ્સઅપ બંધ થઈ જશે. આ લિસ્ટમાં નોકિયા S40, આઈફોન 3GS/iOS 6, બ્લેકબેરી ઓએસ અને બ્લેકબેરી 10, એન્ડ્રોઈડ 2.3.3.થી જૂના સ્માર્ટફોન્સ સહિતનો ફોન્સનો સમાવેશ થાય છે. access_time 1:02 am IST

  • પૂર્વોત્તર રાજ્યોમાં ભારે પૂર :મણિપુરમાં ચાર અને ત્રિપુરામાં એકનું મોત ;મૃત્યુ આંક 12 થયો : રોડ અને ટ્રેન સેવા ઠપ્પ :આસામના સાત જિલ્લાના અંદાજે ચાર લાખ લોકો પુરથી પ્રભાવિત; સૌથી વધુ હૈલાકડીમાં 2,06 લાખ અને કરીમગંજમાં અંદાજે 1,33 લાખ લોકો પ્રભાવિત થયા છે access_time 1:26 am IST