Gujarati News

Gujarati News

News of Saturday, 16th June 2018

સુરતમાં શાળામાં શિક્ષક દ્વારા વિદ્યાર્થીની ઉપર દુષ્‍કર્મ બાદ કોર્ટ મેરેજ કરી લીધાઃ વિદ્યાર્થીનીને ૮ લાખ રૂપિયા ઘરેથી લાવવા માટે દબાણ કર્યુઃ શિક્ષકના મિત્રો પણ ઘરે આવીને છેડતી કરતા પોલીસ ફરિયાદ

સુરતઃ ડિંડોલી નવાગામ જલારામનગર સોસાયટીમાં રહેતા અને હાલમાં ઉઘનાની સ્કૂલના ટીચર વિજય દિલીપ પાટોલે 2013માં ડિંડોલીની વિદ્યાવિહાર સ્કૂલમાં 12મા ધોરણની એક વિદ્યાર્થીની સાથે દુષ્કર્મ આચર્યું હતું. એટલું જ નહી, તેણે વિદ્યાર્થીનીનો અશ્લીલ વીડિયો પણ બનાવી લીધો હતો, જેને બતાવીને તેને બ્લેકમેલિંગ કરતો હતો. આ દરમિયાન તેણે વિદ્યાર્થીનીને નવસારી લઇ જઇ જ્યાં સંજયા હોટલ અને હજીરા સુવાલી બીચ પર શારીરિક સંબંધ બાંધ્યા હતા.

શિક્ષકની આ પ્રકારની હરકતની જાણકારી વિદ્યાર્થીના માધ્યાથી તેના પરિવારવાળાઓને થઇ, તો શિક્ષકે વિદ્યાર્થીના પરિવારજનોની માફી માંગી હતી. ત્યારબાદ પણ તેણે પોતાની કરતૂત ચાલુ રાખી. ટીચરે ફરી વિદ્યાર્થીને બ્લેકમેલિંગ કરવાનું શરૂ કર્યું. ત્રણ મહિના પહેલાં જ આ વિદ્યાર્થીની સાથે શિક્ષકે કોર્ટ મેરેજ કરી લીધા હતા. 

લગ્નના એક મહિના બાદ શિક્ષકે પોતાનું અસલી સ્વરૂપ બતાવી દીધું. તેણે વિદ્યાર્થીની પર ઘરેથી 8 લાખ રૂપિયા લાવવા માટે દબાણ કર્યું. સાથે જ માનસિક-શારીરિક ત્રાસ આપવાનું શરૂ કરી દીધું. આ ઉપરાંત શિક્ષકનો મિત્ર સાવન પાંડે, વિશાલ અને આનંદ પણ ઘરે આવીને તેની સાથે છેડતી કરતા હતા. કંટાળીને વિદ્યાર્થીએ ડિંડોલી પોલીસ મથકમાં ફરિયાદ નોંધાવી. પોલીસે વિજય પાટોલ અને તેના મિત્ર સાવન, વિશાલ અને આનંદ વિરૂદ્ધ દુષ્કર્મ અને પોસ્કોની કલમ હેઠળ ગુનો દાખલ કર્યો છે. 

(9:26 am IST)
  • નિતી આયોગની બેઠકમાં ભાગ લેવા માટે આજે ઘણાં રાજ્યોના મુખ્યમંત્રીઓ દિલ્હી પહોંચ્યા છે. આ દરમિયાન બંગાળના મુખ્યમંત્રી મમતા બેનરજી સહિત કર્ણાટકના મુખ્યમંત્રી કુમાર સ્વામી, તામિલનાડુના ચંદ્રાબાબુ નાયડુ અને કેરળના મુખ્યમંત્રી પી. વિજયને ઉપરાજ્યપાલ અનિલ બેજલને પત્ર લખીને દિલ્લીના મુખ્યમંત્રી અરવિંદ કેજરીવાલને મળવાની પરવાનગી માગી હતી, જેઓ ઘણા દિવસોથી ઉપરાજ્યપાલ નિવાસસ્થાને ધરણા પર બેઠા છે. આ બાબતે ઉપરાજ્યપાલ અનિલભાઈ બેજલે આ ચારેય મુખ્યમંત્રીઓને પરવાનગી આપી ન હતી, જેના લીધે મમતા બેનરજી સહિતના ચારેય મુખ્યમંત્રીઓ અરવિંદ કેજરીવાલના ઘરે પહોંચી, તેમના પરિવારજનોને મળ્યા હતા. આ સમયે મમતા બેનર્જીએ જણાવ્યું હતું કે આ ઘટના સંવેધાનિક સંકટ સમાન છે. આ બાબત પછી રાષ્ટ્રીય રાજકારણમાં જબરજસ્ત ગરમાવો જોવા મળી રહ્યો છે. access_time 11:04 pm IST

  • કર્ણાટકમાં કોંગ્રેસ - જેડીએસ ગઠબંધનમાં 'એક સાંધો ત્યાં તેર તૂટે' જેવી સ્થિતિ : હવે રાજ્યના નવા બજેટને લઈને બન્ને પક્ષો થયા સામસામે : કોંગ્રેસ પુરક બજેટ લાવવા માટે આગ્રહ કરે છે જ્યારે જેડીએસ નવાજ બજેટની જરૂર હોવાની વાત પર અડી access_time 12:42 am IST

  • અમદાવાદના વિઠ્ઠલાપુર ગામે દલિત યુવાનને માર મારવાના પ્રકરણમાં બેની ધરપકડ : પીડિતને ૫૦ હજારની સહાય : માર મારતો વિડીયો સોશ્યલ મીડિયામાં વાયરલ કરનારની પણ તપાસ શરૂ access_time 5:54 pm IST