Gujarati News

Gujarati News

News of Thursday, 16th May 2019

સગાઇ તોડી નાખતા યુવતીના ઘરે જઈને યુવકે કર્યો હંગામો

ગાળાગાળી કરીને જાનથી મારી નાખવાની ધમકી આપી : પોલીસને બોલાવતા યુવક ભાગ્યો

સુરત :કામરેજના યુવકની સગાઇ તૂટી જતા લસકાણા ખાતે યુવતીના ઘરે જઇ હંગામો કર્યો હતો. ગાળાગાળી કરવા સાથે યુવતીને જાનથી મારી નાંખવાની ધમકી આપી હતી જોકે, પરિવારે પોલીસને બોલાવતા યુવક ભાગી ગયો હતો.

  આ અંગે મળતી વિગત મુજબ કામરેજમાં રઘુનંદન સોસાયટીમાંરહેતા રવિ બાબુભાઇ નારીગરાની સગાઇ લસકાણાની યુવતી સાથે થઇ હતી. જોકે, રવિની વર્તણૂક સારી ન હોવાથી યુવતી અને તેના પરિવારજનોએ સગાઇ તોડી નાંખી હતી. જેની અદાવત રાખીને ગત. 13મીએ સાંજે રવિ લસકાણા યુવતીના ઘરે ગયો હતો.
  તેણે ઘરમાં જઇ ભારે તમાશો કર્યો હતો. યુવતીને પોતાની સાથે આવવા જણાવી ગાળાગાળી કરી હતી. ત્યારબાદ સાથે નહીં આવે તો જીવતી છોડીશ નહીં એવી ધાકધમકી આપી હતી. સગાઇમાં જે ખર્ચો થયો છે તે ખર્ચો આપવાની વાત કરી હંગામો કર્યો હતો. યુવતીએ ફોન કરી પોલીસને બોલાવી તો રવિ ભાગી છૂટ્યો હતો. યુવતીની ફરિયાદના આધારે સરથાણા પોલીસે રવિ નાગીગરા સામે ગુનો નોંધી તપાસ આદરી છે.

(2:02 pm IST)
  • નરેન્દ્રભાઇ આજે ચંદોલી ખાતેની રેલીમાં આકરા અંદાજમાં જોવા મળ્યા હતાઃ તેમણે કહયું કે ગત ચુંટણીમાં : ૮-૧૦-૨૦-૨૨ કે ૩૦-૩૫ બેઠકો મેળવનારાઓ આ દેશમાં વડાપ્રધાન બનવાના સપના જોઇ રહયા છેઃ પણ દેશ આખો એકી અવાજે કહી રહયો છે ' ફીર એક બાર મોદી સરકાર' access_time 4:32 pm IST

  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST

  • દરમિયાન જેનુ ઉડ્ડીયન થંભી ગયું છે તેમા જેટ એરવેઝમાં રોકાણ કરવા મુંબઇની ડાર્વીન ગ્રુપે માગણી રજુ કરી છે access_time 4:29 pm IST