Gujarati News

Gujarati News

News of Friday, 16th April 2021

સુરત:તરુણીને લગ્નની લાલચ આપી કામરેજના નરાધમે ભગાડી જઈ દુષ્કર્મ આચરતા ગુનો દાખલ

સુરત:શહેરમાં આજથી બે વર્ષ પહેલાં તરૃણીને લગ્નની લાલચ આપીને કામરેજના પાસોદરા ગામમાં ભગાડી લાવીને સગીર હોવાનું જાણવા છતાં એકથી વધુ વાર શરીર સંબંધ બાંધીને બળાત્કાર ગુજારવાના કેસમાં સરથાણા પોલીસે જેલભેગા કરેલા આરોપી યુવકે ચાર્જશીટ બાદ જામીન માંગતા પોક્સો કેસોની ખાસ અદાલતે આરોપીના જામીન નકારી કાઢ્યા છે.

મૂળ અમરેલી જિલ્લાના લાઠી તાલુકાના વતની તથા કામરેજ તાલુકાના પાસોદરા ખાતે ઓમ ટાઉનશીપમાં રહેતા આરોપી વર્ષાબેન કલ્પેશ મેટલીયા,લલીત ઉર્ફે લાલો મનજી ઈટાલીયા,જીગ્નેશ ઉર્ફે જીગો તથા વસંતબેન મનજી ઈટાલીયા વગેરેની સરથાણા પોલીસે પોક્સો એક્ટના ભંગ બદલ ધરપકડ કરી જેલભેગા કર્યા હતા. આરોપીઓએ એકબીજાના મેળા પિપણામાં ભોગ બનનાર તરૃણીને આરોપી વર્ષાબેન મેટલીયાએ લલચાવી ફોસલાવીને તેના માતાપિતાની સંમતિ વિના આરોપી લલિત ઉર્ફે લાલો ઈટાલીયા સાથે લગ્નની લાલચ આપીને પોતાની સાથે લાવી હતી.ત્યારબાદ ભોગ બનનારને પાસોદરા ખાતે પોતાના આરોપી પિયરમાં મુકીને બે માસ સુધી ગેરકાયદે ગોંધી રાખી આરોપી લલિતે બળાત્કાર ગુજાર્યો હતો. કેસમાં જેલવાસ ભોગવતા મુખ્ય આરોપી લલિત ઈટાલીયાએ ચાર્જશીટ બાદ જામીન માંગતાં સરકારપક્ષે એપીપી કિશોર રેવાલીયાએ તપાસ અધિકારીની એફીડેવિટ રજુ કરી હતી.સરકારપક્ષે જણાવ્યું હતું કે આરોપી વિરુધ્ધ ગંભીર ગુનાનો પ્રથમ દર્શનીય કેસ હોઈ જામીન આપવાથી સાક્ષી પુરાવા સાથે ચેડા થવાની સંભાવના છે.જેને કોર્ટે માન્ય રાખી આરોપી લલિત ઈટાલીયાના જામીનની માંગને નકારી કાઢી હતી.

(5:26 pm IST)
  • સચિન તેંડુલકર જેવી સેલિબ્રિટીને હોસ્પિટલમાં દાખલ થવાની જરૂર નહોતી : મહારાષ્ટ્રના મંત્રી અસલમ શેખે કહ્યું કે એસીમ્પિટોમેટિક સેલિબ્રિટીએ ઘર પર જ ઈલાજ કરાવવો જોઈએ હોસ્પિટલના બેડ પર નહીં : રાજ્યના ક્પડામંત્રીએ કહ્યું હતું કે બેડ જરૂરિયાતમંદો માટે છોડવા જોઈએ access_time 11:59 pm IST

  • દેશમાં કોરોનાનો મહાભયાનક આતંક યથાવત : ભારતમાં છેલ્લા 24 કલાકમાં, એકજ દિવસમાં, અત્યાર સુધીના સર્વાધિક 2,32,000 થી વધુ નવા કોવિડ કેસ નોંધાયા અને 1325 થી વધુ કોરોનાગ્રસ્ત દર્દીઓ છેલ્લા 24 કલાકમાં દુઃખદ મૃત્યુ પામ્યા access_time 12:15 am IST

  • કેન્દ્ર સરકારની ઘોષણા : ઓક્સિજન સિલિન્ડરની ઘટને પહોંચી વળવા, દેશની 100 નવી હોસ્પિટલોને પોતાનો ઓક્સિજન પ્લાન્ટ સ્થાપવા PM Cares ફંડમાંથી ફંડ ફાળવવામાં આવશે access_time 11:18 pm IST